സോഷ്യല് മീഡിയയിലെ ഗോസിപ്പുകള് കാണുന്നത് എങ്ങനെയെന്ന് വ്യക്തമാക്കുകയാണ് കല്യാണ് പ്രിയദര്ശന്. താനും പ്രണവ് മോഹന്ലാലും വിവാഹിതരാകും എന്ന തരത്തിലുള്ള ഗോസിപ്പുകള് സോഷ്യല്മീഡിയയില് പ്രചരിച്ചിരുന്നു.
ഇപ്പോഴിതാ അത്തരത്തിലൊരു വാര്ത്തക്ക് അച്ഛന് പ്രിയദര്ശന് നല്കിയ മറുപടിയെ കുറിച്ചാണ് കല്യാണി പറയുന്നത്. തല്ലുമാല പ്രമോഷനുമായി ബന്ധപെട്ട് നല്കിയ ഒരു അഭിമുഖത്തിലാണ് കല്യാണി ഇക്കാര്യങ്ങള് പറഞ്ഞത്.
ആദ്യമായി ഇത്തരത്തില് ഒരു വ്യാജ വാര്ത്ത കിട്ടിയപ്പോള് അച്ഛന് അയച്ചു കൊടുത്തു എന്നും ഹഹഹ, വെല്ക്കം ടു ഇന്ഡസ്ട്രി എന്നായിരുന്നു അച്ഛന്റെ മറുപടി എന്നുമാണ് കല്യാണി പറയുന്നത്.ഞങ്ങള് ഇത് ജോളിയായിട്ടാണ് കാണുന്നത്. ആദ്യമായി ഒരു ലിങ്ക് കിട്ടിയപ്പോള് അച്ചന് അയച്ചിരുന്നു. അപ്പോള് ‘ഹഹഹ വെല്ക്കം ടു ഇന്ഡസ്ട്രി’ എന്നായിരുന്നു അച്ഛന്റെ മറുപടി,’ കല്യാണി പറയുന്നു.
‘ ഹൃദയത്തിലെ പെര്ഫോമന്സിന് മഴവില് മനോരമയുടെ ബെസ്റ്റ് പെയറിനുള്ള അവാര്ഡ് കിട്ടിയിരുന്നു. പക്ഷെ ഞങ്ങള്ക്ക് രണ്ട് പേര്ക്കും അവാര്ഡ് വാങ്ങാന് പോകാന് കഴിഞ്ഞില്ല, പക്ഷെ ഞങ്ങള്ക്ക് വേണ്ടി ലാല് മാമയും അച്ഛനും കൂടിയാണ് അവാര്ഡ് വാങ്ങിയത്. ഒപ്പം അവര് വേദിയില് പോയി സംസാരിക്കുകയും ചെയ്തു. ശരിക്കും അത് ഭയങ്കര രസമായിട്ടാണ് തോന്നിയത്,’ കല്യാണി പറയുന്നു.
പ്രതികരിക്കാൻ ഇവിടെ എഴുതുക