വൈറ്റമിന് സി, പൊട്ടാസ്യം സമ്പുഷ്ടമായ ഉരുളക്കിഴങ്ങ് നീര് നല്ലൊരു ബ്ലീച്ചിങ് ഏജന്റാണ്. മുഖക്കുരു മൂലമുണ്ടാകുന്ന പാടുകള്, കുഴികള്, മറ്റ് കറുത്ത പാടുകള് എന്നിവയെ നീക്കം ചെയ്യാനും മുഖം തിളക്കമുള്ളതാക്കാനും ഉരുളക്കിഴങ്ങ് ജ്യൂസ് സഹായിക്കും.
കുറച്ച് അരിമാവ് എടുത്ത് അതിലേക്ക് മൂന്ന് ടീസ്പൂണ് ഉരുളക്കിഴങ്ങ് നീര് ചേര്ക്കുക. അതിലേക്ക് നാരങ്ങാ നീര് കൂടി ചേര്ത്ത് മിശ്രിതമാക്കുക. വരണ്ട ചര്മ്മം ഉള്ളവര് നാരങ്ങാനീരിന് പകരം തേന് ചേര്ക്കുന്നതാണ് നല്ലത്. ശേഷം ഈ മിശ്രിതത്തിലേക്ക് കുറച്ച് റോസ് വാട്ടര് കൂടി ചേര്ത്ത് മുഖത്ത് പുരട്ടാം. പതിനഞ്ച് മിനിറ്റിന് ശേഷം തണുത്ത വെള്ളത്തില് കഴുകി കളയാം.ആഴ്ചയില് രണ്ടുതവണ ഈ ഫേസ്പാക്ക് ഇടാം.
ഉരുളക്കിഴങ്ങും ഗ്രീന് ടീയും ചേര്ത്തു മുഖത്ത് പുരട്ടുന്നതും മുഖം തിളങ്ങാന് സഹായിക്കും. ഉരുളക്കിഴങ്ങ് ഇടിച്ച് നീരാക്കി അത് ഗ്രീന് ടീയുമായി ചേര്ത്ത് മുഖത്ത് പുരട്ടുക. ഇത് മുഖത്തെ പാടുകള് മാറ്റാന് ഉത്തമം ആണ്.
പ്രതികരിക്കാൻ ഇവിടെ എഴുതുക