മോഹന്ലാലിന് ഇന്ന് അറുപത്തിമൂന്നാം പിറന്നാള്. നാലു പതിറ്റാണ്ടിലേറെയായി മലയാളികളുടെ മനസിൽ നടന വിസ്മയമായി തെളിയുന്ന മോഹൻലാലിന്റെ അറുപത്തിമൂന്നാം പിറന്നാളാണിന്ന്.
അഭിനയ സമവാക്യങ്ങൾ തോറ്റുപോകുന്ന അനായാസ അഭിനയം, ശരീരപേശികളാൽ പോലും വെള്ളിത്തിരയിൽ മായാജാലം തീർത്ത നടനമാന്ത്രികൻ, അതെ അഭ്രപാളിയിൽ ആടിത്തീർത്ത വേഷങ്ങളിലൊക്കെയും മോഹൻലാലിന്റേതായ എന്തോ ഒന്നുണ്ട്. അത് തന്നെയാണ് മോഹൻലാൽ പകരക്കാരനില്ലാത്ത അവതാരമാകുന്നത്.
1980ൽ മോഹൻലാലിന്റെ ഇരുപതാമത്തെ വയസിൽ പുറത്തിറങ്ങിയ ‘മഞ്ഞിൽ വിരിഞ്ഞ പൂക്കളിലെ നരേന്ദ്രൻ എന്ന വില്ലൻ കഥാപാത്രം മോഹൻലാലിന്റെ ജീവിതഗതി മാറ്റിമറിച്ചു. സുഹൃത്തുക്കൾ ചേർന്ന് ആരംഭിച്ച ഭാരത് സിനി ഗ്രൂപ്പ് എന്ന നിർമ്മാണകമ്പനിയുടെ ‘തിരനോട്ടം’ എന്ന ചിത്രത്തിലാണ് മോഹൻലാൽ ആദ്യമായി അഭിനയിച്ചത്. 1978ൽ നിർമ്മിച്ച ഈ ചിത്രത്തിൽ ഒരു ഹാസ്യവേഷമായിരുന്നു മോഹൻലാൽ കൈകാര്യം ചെയ്തത്. എന്നാൽ ചില സാങ്കേതിക പ്രശ്നങ്ങളാൽ ചിത്രം റിലീസ് ചെയ്യാൻ കഴിഞ്ഞില്ല.
പിന്നീടങ്ങോട്ട് സേതുവായും വിന്സന്റ് ഗോമസായും ബാലകൃഷ്ണനായും അപ്പുവായും ബാലചന്ദ്രന് നായരായും വേണുഗോപാലായും ദാസനായും ജയകൃഷ്ണനായും പവിത്രനായും വിഷ്ണുവായും ദേവനാരായണനായും സിഐഡി രാംദാസായും സേതുമാധവനായും മംഗലശേരി നീലകണ്ഠനായും മോഹന്ലാല് എന്ന അതുല്യ പ്രതിഭ അഭ്രപാളികളില് വേഷപ്പകര്ച്ച കൊണ്ട് നിറഞ്ഞാടി. ഭ്രാന്തമായ അഭിനയം, മനോഹരമായ പുഞ്ചിരി, മീശപിരിച്ച ഗൗരവമുള്ള, മുണ്ടുമടക്കിക്കുത്തിയ വില്ലന്, കണ്ണുകളില് പ്രേമവും ചുണ്ടുകളില് കള്ളച്ചിരിയുമൊളിപ്പിച്ച കാമുകന്, മലയാള സിനിമാ ആദ്യമായും അവസാനമായും കണ്ട ചേട്ടച്ഛന്, അങ്ങനെ അങ്ങനെ മോഹന് ലാന് എന്ന നടനൊരു വിസ്മയമായി…. നടനവിസ്മയമായി.
മോഹൻലാലിൻ്റ അറുപത്തി മൂന്നാം ജൻമദിനമായ മെയ് 21ന് പ്രിയനടന് ആശംസകള് നേര്ന്നിരിക്കുകയാണ് മലയാളത്തിന്റെ സ്വന്തംമമ്മൂട്ടി.
പ്രിയപ്പെട്ട ലാലിന് ജന്മദിനാശംസകള് കുറിപ്പിനൊപ്പം
മോഹന്ലാലിനൊപ്പം കൈകോര്ത്ത് നില്ക്കുന്ന ചിത്രവും മമ്മൂട്ടി ഫേസ്ബുക്കില് പങ്കുവച്ചു.
പ്രതികരിക്കാൻ ഇവിടെ എഴുതുക