തൃശൂര്: തൃശ്ശൂർ വരവൂര് തളിയില് കാട്ടുപന്നിയുടെ ആക്രമണത്തില് ഗൃഹനാഥന് മരിച്ചു. തളി വിരുട്ടാണം സ്വദേശി രാജീവാണ് (61) മരിച്ചത്. നിലവിളികേട്ട് ഓടിയെത്തിയ വീട്ടുകാര് ഉടന് തന്നെ രാജീവിനെ തൃശൂരിലെ സ്വകാര്യ ആശുപത്രിയില് എത്തിച്ചെങ്കിലും മരണം സംഭവിക്കുകയായിരുന്നു.
വീട്ടുപറമ്പില് നാളികേരം പെറുക്കി കൂട്ടുന്നതിനിടയില് കാട്ടുപന്നി ആക്രമിക്കുകയായിരുന്നു. നില്ക്കുകയായിരുന്ന രാജീവിന്റെ അടുത്തേക്ക് പാഞ്ഞെത്തിയ കാട്ടുപന്നി നെഞ്ചിലിടിക്കുകയായിരുന്നു. നിലത്ത് വീണ രാജീവിനെ പന്നി രണ്ട് തവണകൂടി കുത്തിയ ശേഷം ഓടി മറഞ്ഞു. മൃതദേഹം തൃശൂര് മെഡിക്കല് കോളജിലെ മോര്ച്ചറിയില് സൂക്ഷിച്ചിരിക്കുകയാണ്.
പ്രതികരിക്കാൻ ഇവിടെ എഴുതുക