കൊച്ചി: ബ്രഹ്മപുരത്ത് മാലിന്യം തള്ളുന്നതിന് കൊച്ചി കോർപറേഷൻ സംസ്ഥാന സർക്കാരിന്റെ അനുമതി തേടുന്നു. സ്വകാര്യ ഏജൻസികളെ ഉപയോഗിച്ചുള്ള മാലിന്യ നീക്കം വിജയിക്കാത്ത സാഹചര്യത്തിലാണ് പുതിയ നീക്കം.
നിലവിലുള്ള ഏജൻസികളെ കൊണ്ട് മാത്രം മാലിന്യ സംസ്കരണം നടക്കാത്ത സാഹചര്യത്തിൽ മറ്റ് സ്വകാര്യ കമ്പനികളിൽ നിന്ന് താൽപര്യപത്രം ക്ഷണിച്ചു. അതേസമയം മാലിന്യ സംസ്കരണത്തിലെ ചെലവിൽ ഉൾപ്പടെ വലിയ കുറവ് കൊണ്ടുവരാനായെന്നും ഇത് പലരെയും പ്രകോപിപ്പിക്കുന്നുണ്ടെന്നും മേയർ എം അനിൽകുമാർ വ്യക്തമാക്കി.
കൊച്ചിയിൽ സ്വകാര്യ ഏജൻസികളെ ഉപയോഗിച്ചുള്ള മാലിന്യ നീക്കം വിജയകരമായെന്ന് പറയാനാകില്ല, പ്രതിസന്ധി സ്വാഭാവികമാണെന്നും മേയർ പറഞ്ഞു. ആദ്യമായിട്ടാണ് ഇത്തരമൊരു പരീക്ഷണം. ഇപ്പോൾ രണ്ട് ഏജൻസികളാണ് മാലിന്യം ശേഖരിക്കുന്നത്. കൂടുതൽ മാലിന്യ സംസ്കരണത്തിനായി സ്വകാര്യ കമ്പനികളിൽ നിന്ന് താൽപര്യപത്രം ക്ഷണിച്ചിട്ടുണ്ടെന്നും മേയർ അനിൽ കുമാർ വാര്ത്താസമ്മേളനത്തില് പറഞ്ഞു
പ്രതികരിക്കാൻ ഇവിടെ എഴുതുക