മഞ്ഞളിൽ അടങ്ങിയിരിക്കുന്ന കുർകുമിന് കാൻസറിനെ പ്രതിരോധിക്കാനുള്ള കഴിവുണ്ട്. ട്യൂമർ ഇല്ലാതാക്കാനും കാൻസർ സെല്ലുകൾ മറ്റ് ഭാഗങ്ങളിലേക്ക് വ്യാപിക്കുന്നത് തടയാനും മഞ്ഞൾ സഹായിക്കുന്നു. ശരീരത്തിലെ വിഷാംശം പുറന്തള്ളുന്നതിന് മഞ്ഞൽ വെള്ളം സഹായകമാണ്.
സന്ധി വേദന ഒഴിവാക്കാനും അണുബാധയും പനിയും ഉണ്ടാകാനുള്ള സാധ്യത ഒഴിവാക്കാനും പാലിൽ ഒരു നുള്ള് മഞ്ഞൾ കലർത്തി കുടിക്കുന്നത് സഹായകമാണ്. മഞ്ഞളിന്റെ ആൻറി-ഇൻഫ്ലമേറ്ററി ഗുണങ്ങൾ സന്ധിവേദനയും നേരിയ വീക്കവും സുഖപ്പെടുത്താൻ സഹായിക്കുന്നു. ദിവസവും മഞ്ഞൾ വെള്ളം കുടിക്കുന്നത് ചർമ്മത്തെ കൂടുതൽ തിളക്കമുള്ളതും ആരോഗ്യകരവും യുവത്വവുമാക്കാൻ സഹായിക്കും.
ദഹനം വർധിപ്പിക്കാൻ മഞ്ഞൾ സഹായിക്കും. മഞ്ഞളിലെ ചില ഘടകങ്ങൾ പിത്തരസം ഉത്പാദിപ്പിക്കാൻ പിത്തസഞ്ചിയെ ഉത്തേജിപ്പിക്കുന്നു. അങ്ങനെ ദഹനവ്യവസ്ഥയെ കൂടുതൽ കാര്യക്ഷമമാക്കുന്നു. ഇത് വീക്കം, ഗ്യാസ് എന്നിവയുടെ ലക്ഷണങ്ങൾ കുറയ്ക്കുകയും ചെയ്യും.
2015-ലെ ഒരു പഠനത്തിൽ 95 ശതമാനം കുർക്കുമിൻ (മഞ്ഞളിൽ കാണപ്പെടുന്ന സംയുക്തം) അടങ്ങിയ 800 മില്ലിഗ്രാം സപ്ലിമെന്റും കർശനമായ ഭക്ഷണക്രമവും കഴിച്ച അമിതഭാരമുള്ള മുതിർന്നവർ ബോഡി മാസ് ഇൻഡക്സിൽ 2 ശതമാനം വരെ മാറ്റങ്ങൾ കുറഞ്ഞതായി കണ്ടെത്തി. കൊളസ്ട്രോളിന്റെ അളവ് കൂടുന്നതുകൊണ്ടാണ് ഹൃദയ രോഗങ്ങൾ ഉണ്ടാകുന്നത്. മഞ്ഞൾ കൊളസ്ട്രോളിന്റെ അളവ് കുറയ്ക്കുന്നതിനും രക്തക്കുഴലുകളുടെ പാളി മെച്ചപ്പെടുത്തുന്നതിനും അറിയപ്പെടുന്നു.
മെഡിക്കൽ സയൻസ് ഇപ്പോഴും അൽഷിമേഴ്സ് രോഗത്തിന് പ്രതിവിധി കണ്ടെത്തിയിട്ടില്ല, അത് സംഭവിക്കുന്നത് തടയേണ്ടത് അത്യാവശ്യമാണ്. മഞ്ഞളിൽ അടങ്ങിയിട്ടുള്ള കുർക്കുമിൻ വീക്കം, ഓക്സിഡേറ്റീവ് തകരാറുകൾ എന്നിവ തടയുന്നതിന് സഹായിക്കുന്നു.
വിഷവസ്തുക്കളെ നീക്കം ചെയ്യാൻ സഹായിക്കുന്നതിനാൽ മഞ്ഞൾ രക്തത്തെ ശുദ്ധീകരിക്കുമെന്ന് അറിയപ്പെടുന്നു. ഇതിലടങ്ങിയിരിക്കുന്ന ആന്റിഓക്സിഡന്റുകൾ കോശങ്ങളെ കേടുപാടുകളിൽ നിന്ന് സഹായിക്കുകയും ചർമ്മത്തിന്റെ നിറം വർദ്ധിപ്പിക്കുകയും പ്രായമാകൽ പ്രക്രിയയെ മന്ദഗതിയിലാക്കുകയും ചെയ്യുന്നു. മഞ്ഞൾ വെള്ളം ചർമ്മത്തെ കൂടുതൽ തിളക്കമുള്ളതും ആരോഗ്യകരവുമാക്കുന്നു.
പ്രതികരിക്കാൻ ഇവിടെ എഴുതുക