ന്യൂഡൽഹി: ഫ്രാൻസ് സന്ദർശനം പൂർത്തിയാക്കിയ പ്രധാനമന്ത്രി നരേന്ദ്ര മോദി ഇന്ന് യുഎഇയില് എത്തും. അബുദാബിയിലെ പ്രസിഡന്ഷ്യല് വിമാനത്താവളത്തില് രാവിലെ 9.15ന് പ്രധാനമന്ത്രി വിമാനമിറങ്ങും.
ആഗോള വിഷയങ്ങളിലെ സഹകരണം ഉള്പ്പെടെയുള്ള വിഷയങ്ങളില് ചർച്ച നടത്തുന്ന മോദി യുഎഇ പ്രസിഡന്റുമായുള്ള കൂടിക്കാഴ്ചയില് വിവിധ ധാരണാപത്രങ്ങളില് ഒപ്പുവയ്ക്കും. ഇന്ത്യ അധ്യക്ഷസ്ഥാന വഹിക്കുന്ന ജി20യില് യുഎഇ പ്രത്യേക ക്ഷണിതാവാണ്. കോപ്-28ന് ആതിഥ്യമരുളുന്നത് യുഎഇയും. ഈ രണ്ട് വിഷയങ്ങളുമായിരിക്കും കൂടിക്കാഴ്ചയിലെ പ്രധാന ചര്ച്ചാവിഷയം.
യുഎഇ പ്രസിഡന്റ് ഷെയ്ഖ് മുഹമ്മദ് ബിന് സായിദ് അല് നഹ്യാനുമായും, കോപ്പ് 28 പ്രസിഡന്റ് ഡോക്ടര് സുല്ത്താന് ബിന് മുഹമ്മദ് അല് ജാബറുമായും കൂടിക്കാഴ്ച നടത്തും.
പ്രതികരിക്കാൻ ഇവിടെ എഴുതുക