തിരുവനന്തപുരം: സംസ്ഥാനത്ത് മിഷന് ഇന്ദ്രധനുഷ് തീവ്രയജ്ഞം 5.0 മൂന്ന് ഘട്ടങ്ങളും പൂര്ത്തിയായതായി ആരോഗ്യ വകുപ്പ് മന്ത്രി വീണാ ജോര്ജ്. മാരക രോഗങ്ങളെ പ്രതിരോധിക്കാനാണ് വാക്സിന് നല്കുന്നത്. മൂന്നാം ഘട്ടത്തില് ലക്ഷ്യം വച്ച 86 ശതമാനം കുട്ടികള്ക്കും 100 ശതമാനം ഗര്ഭിണികള്ക്കും വാക്സിന് നല്കി. അഞ്ച് വയസ് വരെയുളള 76,629 കുട്ടികള്ക്കും 11,310 ഗര്ഭിണികള്ക്കുമാണ് വാക്സിന് നല്കിയത്.
ഇതുവരെ വാക്സിന് സ്വീകരിക്കാത്ത 1273 കൂട്ടികള്ക്ക് കൂടി വാക്സിന് നല്കാനായി. ഒന്നാംഘട്ടത്തില് 75 ശതമാനത്തിലധികം കുട്ടികള്ക്കും 98 ശതമാനത്തിലധികം ഗര്ഭിണികള്ക്കും രണ്ടാം ഘട്ടത്തില് 91 ശതമാനം കുട്ടികള്ക്കും 100 ശതമാനം ഗര്ഭിണികള്ക്കുമാണ് വാക്സിന് നല്കിയത്.
തിരുവനന്തപുരം 8790, കൊല്ലം 2984, ആലപ്പുഴ 3435, പത്തനംതിട്ട 1627, കോട്ടയം 2844, ഇടുക്കി 1258, എറണാകുളം 4110, തൃശൂര് 4885, പാലക്കാട് 9835, മലപ്പുറം 17677, കോഴിക്കോട് 8569, വയനാട് 1603, കണ്ണൂര് 4887, കാസര്ക്കോട് 4125 എന്നിങ്ങനെയാണ് മൂന്നാം ഘട്ടത്തില് 5 വയസിന് താഴെ പ്രായമുള്ള കുട്ടികള് വാക്സിന് സ്വീകരിച്ചത്. തിരുവനന്തപുരം 1731, കൊല്ലം 388, ആലപ്പുഴ 520, പത്തനംതിട്ട 228, കോട്ടയം 601, ഇടുക്കി 225, എറണാകുളം 758, തൃശൂര് 783, പാലക്കാട് 1509, മലപ്പുറം 1397, കോഴിക്കോട് 1597, വയനാട് 429, കണ്ണൂര് 534, കാസര്ക്കോട് 610 എന്നിങ്ങനെയാണ് ഗര്ഭിണികള് വാക്സിന് സ്വീകരിച്ചത്.
പ്രതികരിക്കാൻ ഇവിടെ എഴുതുക