തിരുവനന്തപുരം: വൈദ്യുതി നിരക്ക് വര്ധിപ്പിച്ചതിന് പിന്നാലെ പൊതുജനത്തിന് ഇരുട്ടടിയായി വെള്ളക്കരവും വര്ധിപ്പിക്കാന് നീക്കം. ഏപ്രില് ഒന്ന് മുതല് അഞ്ച് ശതമാനം നിരക്ക് വര്ധനയുണ്ടാകുമെന്നാണ് സൂചന. ചാര്ജ് വര്ധിപ്പിക്കുന്നത് സംബന്ധിച്ച് ജല അതോറിറ്റി ഫെബ്രുവരിയില് സര്ക്കാരിന് ശുപാര്ശ നല്കും.
കടമെടുപ്പ് പരിധി ഉയര്ത്തുന്നതിനായി കേന്ദ്ര സര്ക്കാര് മുന്നോട്ട് വച്ച വ്യവസ്ഥയുടെ അടിസ്ഥാനത്തിലാണ് നീക്കം. 2021 ഏപ്രില് മുതല് അടിസ്ഥാന താരിഫില് അഞ്ച് ശതമാനം വര്ധന വരുത്തുന്നുണ്ട്. ഓരോ വര്ഷവും ഇത് തുടരണമെന്നാണ് കേന്ദ്ര നിര്ദേശം. കഴിഞ്ഞ ഫെബ്രുവരിയില് ലിറ്ററിന് ഒരു പൈസ കൂട്ടിയിരുന്നു.
സംസ്ഥാനത്ത് ഇന്നലെയാണ് വൈദ്യുതി നിരക്ക് കൂട്ടിയത്. യൂണിറ്റിന് ശരാശരി 20 പൈസ വരെയാണ് കൂട്ടിയത്. പ്രതിമാസം 40 യൂണിറ്റില് താഴെയുള്ളവര്ക്ക് നിരക്ക് വര്ധന ബാധകമല്ല. 100 യൂണിറ്റ് ഉപയോഗിക്കുന്നവര്ക്ക് 20 ശതമാനം നിരക്ക് വര്ധനയുണ്ടാകും. ഇനി മുതല് എല്ലാ വര്ഷവും വൈദ്യുതി നിരക്ക് കൂടുമെന്നാണ് വൈദ്യുതി വകുപ്പ് മന്ത്രി കെ. കൃഷ്ണന്കുട്ടി പറഞ്ഞത്.
പ്രതികരിക്കാൻ ഇവിടെ എഴുതുക