കൊച്ചി: കളമശ്ശേരി ബോംബ് സ്ഫോടനത്തെത്തുടര്ന്ന് സംസ്ഥാനത്താകെ രജിസ്റ്റര് ചെയ്തത് 54 കേസുകള്. മതവിദ്വേഷം വളര്ത്തുന്ന രീതിയിലും സാമുദായിക സൗഹാര്ദ്ദം തകര്ക്കുന്ന തരത്തിലും സാമൂഹികമാധ്യമങ്ങളിലൂടെ സന്ദേശങ്ങളും വാര്ത്തകളും പ്രചരിപ്പിച്ചതിനാണ് കേസുകള് രജിസ്റ്റര് ചെയ്തത്.
ഏറ്റവും കൂടുതല് കേസുകള് രജിസ്റ്റര് ചെയ്തത് മലപ്പുറം ജില്ലയിലാണ്. 26 കേസുകളാണ് ഇവിടെ രജിസ്റ്റര് ചെയ്തത്. എറണാകുളം സിറ്റിയില് 10 ഉം എറണാകുളം റൂറലിലും തിരുവനന്തപുരം സിറ്റിയിലും അഞ്ച് വീതം കേസുകളുമാണ് ഉള്ളത്. തൃശൂര് സിറ്റിയിലും കോട്ടയത്തും രണ്ടുവീതവും പത്തനംതിട്ട, ആലപ്പുഴ, പാലക്കാട്, കോഴിക്കോട് റൂറല് ജില്ലകളില് ഒന്നു വീതവും കേസുകള് രജിസ്റ്റര് ചെയ്തിട്ടുണ്ട്.
പ്രതികരിക്കാൻ ഇവിടെ എഴുതുക