നമ്മുടെ ആരോഗ്യത്തിന് ഏറ്റവും അനിവാര്യമായിട്ടുള്ള പോഷകങ്ങളില് ഒന്നാണ് വിറ്റമിന് ബി12. ശരീരത്തിലെ ചുവന്ന രക്താണുക്കളുടെ ഉല്പാദനത്തിനും അതുപോലെ നമ്മളുടെ നാഡീവ്യൂഹത്തിന്റെ ആരോഗ്യത്തിനും ഏറ്റവും അനിവാര്യമായിട്ടുള്ള പോഷകങ്ങളില് ഒന്നാണ് വിറ്റമിന് ബി12. അതുപോലെ മെറ്റബോളിസം നിലനിര്ത്താനും ഹൃദയത്തിന്റെ ആരോഗ്യം നിലനിര്ത്താനും വിറ്റമിന് ബി12 അനിവാര്യമാണ്. വിറ്റമിന് ബി 12 ശരീരത്തില് കുറഞ്ഞാല് ആരോഗ്യ പ്രശ്നങ്ങളും ഉണ്ടാകാറുണ്ട്.
ശരീരത്തില് വിറ്റമിന് ബി12 കുറയുമ്പോള് ചുവന്ന രക്താണുക്കളുടെ അളവും കുറയുന്നു. ചുവന്ന രക്താണുക്കളിലൂടെയാണ് നമ്മളുടെ ശരീരത്തിന് വേണ്ടത്ര ഓക്സിജന് എത്തുന്നത്. ഇത് എത്തുന്നത് കുറയുകയും ഇത് ശരീരത്തില് അമിതമായി ക്ഷീണം അനുഭവപ്പെടാനും സാധ്യത കൂടുതലാണ്.
ശരീരത്തില് കൃത്യമായി ചുവന്ന രക്താണുക്കള് ഇല്ലെങ്കില് അത് അനീമിയ എന്ന അവസ്ഥയിലേയ്ക്ക് നമ്മളെ നയിക്കുന്നുണ്ട്. അനീമിയ വന്നാല്, ശീരത്തില് തളര്ച്ച അനുഭവപ്പെടുകയും അതുപോലെ ചര്മ്മം വിളര്ച്ച ബാധിച്ചപോലെ ഇരിക്കുകയും ശ്വസിക്കാനുള്ള ബുദ്ധിമുട്ട് അനുഭവപ്പെടുകയും ചെയ്യാം. അതിനാല്, ചുവന്ന രക്താണുക്കളുടെ ഉല്പാദനത്തിന് വിറ്റമിന് ബി 12 ആവശ്യമാണ്. ഇല്ലെങ്കില് അനീമിയ പിടിപെടാം.
വിറ്റമിന് ബി12 കുറവാണെങ്കില് അത് നിങ്ങളുടെ കാഴ്ച്ചശക്തിയേയും കാര്യമായി ബാധിക്കാന് സാധ്യത കൂടുതലാണ്. ചിലപ്പോള് നിങ്ങള്ക്ക് മങ്ങിയ കാഴ്ച്ചകള്, അല്ലെങ്കില് വസ്തുക്കളിലേയ്ക്ക് നോക്കാന് പറ്റാത്ത അവസ്ഥ എന്നിങ്ങനെയുള്ള ബുദ്ധിമുട്ടുകള് നേരിട്ടെന്ന് വരാം.
നമ്മുടെ ശരീരത്തില് വിറ്റമിന് ബി12 കുറഞ്ഞാല് അത് ഓര്മ്മകുറവിലേയ്ക്ക് നയിക്കുന്നുണ്ട്. ചിലപ്പോള് ചില കാര്യങ്ങള് ഓര്ത്തെടുക്കാന് സാധിക്കാത്ത അവസ്ഥ, അതുപോലെ, കാര്യങ്ങള് മനസ്സിലാക്കാനും തിരിച്ചറിയാനും സാധിക്കാത്ത അവസ്ഥ എന്നിവയെല്ലാം നിങ്ങള് നേരിട്ടെന്ന് വരാം.
പ്രതികരിക്കാൻ ഇവിടെ എഴുതുക