കോഴിക്കോട്: കോഴിക്കോട് നിര്ത്തിയിട്ട കാറിന് തീപിടിച്ചു. അരയിടത്ത് പാലത്ത് ആണ് കാറിന് തീപിടിച്ചത്. പേരാമ്പ്ര സ്വദേശി ബാബുരാജിന്റെ കാറാണ് കത്തിയത്. അതേസമയം ആളപായമില്ല. തലനാഴിരയ്ക്കാണ് അപകടത്തില് നിന്നും രക്ഷപ്പെട്ടത്. ബാബുരാജും ഭാര്യയും കാര് നിര്ത്തി സമീപത്തെ സ്വകാര്യ ആശുപത്രിയിലേക്ക് പോയപ്പോഴാണ് കാറിന് തീപിടിച്ചത്.
റോഡരികില് നിര്ത്തിയ വാഹനം തീ പിടിച്ചതോടെ തനിയെ റോഡിലേക്ക് നീങ്ങി പാലത്തിന്റെ അപ്രോച്ച് റോഡ് ഭിത്തിയില് ഇടിച്ച് നില്ക്കുകയായിരുന്നു. തൊട്ടടുത്ത മാളിലെ ജീവനക്കാരും നാട്ടുകാരും ഫയര്ഫോഴ്സും ചേര്ന്ന് തീയണച്ചു. കാറിന്റെ മുന് ഭാഗമാണ് കത്തിയത്. തീപിടിത്തത്തില് കാറിന്റെ മുന്ഭാഗം പൂര്ണമായും കത്തിനശിച്ചു.
പ്രതികരിക്കാൻ ഇവിടെ എഴുതുക