തിരുവനന്തപുരം വട്ടപ്പാറയില് നിന്ന് ഇന്നലെ കാണാതായ മൂന്ന് കുട്ടികളെ കണ്ടെത്തിയതായി റിപ്പോർട്ട്. കന്യാകുമാരിയില് നിന്ന് ആണ് കുട്ടികളെ കണ്ടെത്തിയത്. മൊബൈല് ഫോണ് ലൊക്കേഷന് ഉള്പ്പെടെ പരിശോധിച്ചു നടത്തിയ അന്വേഷണത്തിലാണ് കുട്ടികളെ കണ്ടെത്തിയത്.
അതേസമയം മൂന്ന് വിദ്യാര്ത്ഥികളും സുരക്ഷിതരാണെന്ന് വട്ടപ്പാറ പൊലീസ് അറിയിച്ചു. കഴിഞ്ഞദിവസം സ്കൂളില് നടന്ന ചില സംഭവവുമായി ബന്ധപ്പെട്ട് രക്ഷിതാക്കളുമായി എത്താന് കുട്ടികളോട് അധ്യാപകര് നിര്ദ്ദേശിച്ചിരുന്നു. ഇതോടെയാണ് കുട്ടികള് വീടുവിട്ടിറങ്ങിയത് എന്നാണ് ലഭിക്കുന്ന സൂചന
പ്രതികരിക്കാൻ ഇവിടെ എഴുതുക