മുംബൈ: യുപിഐ പണമിടപാട് പരിധി ഉയര്ത്തി റിസര്വ് ബാങ്ക്. ആശുപത്രി, വിദ്യാഭ്യാസ സ്ഥാപനം എന്നിവിടങ്ങളുമായി ബന്ധപ്പെട്ട പണമിടപാട് പരിധിയാണ് ഉയര്ത്തിയത്.
നിലവിലെ ഒരു ലക്ഷത്തില് നിന്ന് അഞ്ചുലക്ഷമാക്കിയാണ് ഉയര്ത്തിയത്. യുപിഐ പരിധി ഉയര്ത്തിയത് ആരോഗ്യമേഖലയിലും വിദ്യാഭ്യാസ രംഗത്തും ഉപയോക്താക്കള്ക്ക് ഏറെ പ്രയോജനം ചെയ്യും.
റിസര്വ് ബാങ്കിന്റെ പണവായ്പ നയ പ്രഖ്യാപനത്തിന് ശേഷം ഗവര്ണര് ശക്തികാന്ത ദാസ് ആണ് പുതിയ ഇളവ് പ്രഖ്യാപിച്ചത്. വിവിധ കാറ്റഗറിയിലുള്ള യുപിഐ പരിധി സംബന്ധിച്ച് അവലോകനം നടത്തിയതിന്റെ അടിസ്ഥാനത്തിലാണ് ആശുപത്രികള്, വിദ്യാഭ്യാസ സ്ഥാപനങ്ങള് എന്നിവയുമായി ബന്ധപ്പെട്ട പരിധി ഉയര്ത്താന് തീരുമാനിച്ചതെന്നും അദ്ദേഹം അറിയിച്ചു.
ഇതിന് പുറമേ ആവര്ത്തിച്ചുള്ള പണമിടപാടുമായി ബന്ധപ്പെട്ട ഇ- മാന്ഡേറ്റ് പരിധിയും ഉയര്ത്തിയിട്ടുണ്ട്. ഒരു ലക്ഷം രൂപയായാണ് ഉയര്ത്തിയത്. ഇ- മാന്ഡേറ്റ് ചട്ടക്കൂട് അനുസരിച്ച് 15000 രൂപയ്ക്ക് മുകളിലുള്ള ആവര്ത്തിച്ചുള്ള ഇടപാടിന് ഓതന്റിക്കേഷന് ആവശ്യമാണ്.
പ്രതികരിക്കാൻ ഇവിടെ എഴുതുക