ന്യൂഡല്ഹി: പാര്ലമെന്റില് കഴിഞ്ഞ ദിവസം നടന്ന അതിക്രമത്തിന്റെ മുഖ്യസൂത്രധാരന് ലളിത് ഝാ ഡല്ഹിയില് നിന്നും അറസ്റ്റില്. കേസില് ആറാം പ്രതിയായ ബീഹാര് സ്വദേശി ലളിത് മോഹന് ഝാ പോലീസ് സ്റ്റേഷനിലെത്തി കീഴടങ്ങുകയായിരുന്നു.
കൊല്ക്കത്ത സ്വദേശിയായ ലളിത് ഝാ അധ്യാപകനാണ്. സാമ്യവാദി സുഭാഷ് സഭയുടെ ജനറല് സെക്രട്ടറിയാണ് ഇയാള്. ബംഗാളിലെ പുരുലിയ, ഝാര്ഗ്രാം ജില്ലകളില് ലളിത് ഝായ്ക്ക് വിപുലയമായ ബന്ധങ്ങളുണ്ട്.
പാര്ലമെന്റിനു പുറത്ത് നീലവും അമോലും മഞ്ഞയും ചുവപ്പും സ്പ്രേ അടിക്കുമ്പോള് ഈ ദൃശ്യങ്ങള് മൊബൈല് ഫോണില് ചിത്രീകരിച്ചത് ലളിതായിരുന്നു.
സാഗര് ശര്മ, ഡി. മനോരഞ്ജന് എന്നിവരാണ് ബുധനാഴ്ച ഉച്ചയ്ക്കുശേഷം ലോക്സഭയുടെ ശൂന്യവേളയില് ചേംബറില് ചാടിയിറങ്ങി അക്രമം നടത്തിയത്. സാഗര്, സന്ദര്ശക ഗാലറിയില്നിന്ന് ലോക്സഭാ ചേംബറിനുള്ളിലേക്ക് ചാടി മഞ്ഞനിറമുള്ള പുക സ്പ്രേ ചെയ്യുകയായിരുന്നു.
പ്രതികരിക്കാൻ ഇവിടെ എഴുതുക