ശൈത്യകാലത്ത് വിട്ടുമാറാത്ത ഹൃദയസംബന്ധമായ ആരോഗ്യപ്രശ്നങ്ങളും ഉണ്ടാകാറുണ്ട്. ഹൃദയപ്രശ്നങ്ങള്, മോണിങ് സ്ട്രോക്, കാര്ഡിയാക് അറസ്റ്റ് എന്നിവയെ ശൈത്യകാലത്ത് കരുതിയിരിക്കേണ്ടതുണ്ട്. ഹൃദയാഘാതത്തിന്റേതായി സാധാരണ പ്രത്യക്ഷപ്പെടുന്ന നെഞ്ചുവേദന, ശ്വാസമെടുക്കാന് ബുദ്ധിമുട്ട് എന്നിവയ്ക്കു പുറമേ മറ്റു ചില ലക്ഷണങ്ങളും ശൈത്യകാലത്ത് അനുഭവപ്പെടാം.
എട്ടു മണിക്കൂറോളം ഉള്ള ഉറക്കത്തിന് ശേഷം രാവിലെ ഉണരുമ്പോള് എന്തെന്നു പറയാന് സാധിക്കാത്ത ക്ഷീണം അനുഭവപ്പടുന്നെങ്കില് സൂക്ഷിക്കണം. കാരണം ഇത് ഹൃദയാഘാതത്തിന്റെ ലക്ഷണമാകാം. തണുത്ത കാലാവസ്ഥ കാരണം രക്തം പമ്പ് ചെയ്യാന് ഹൃദയം കഠിനമായി പ്രയത്നിക്കേണ്ടി വരുന്നതിനാലാണ് ഇങ്ങനെ സംഭവിക്കുന്നത്. ഇത് ക്ഷീണമായി അനുഭവപ്പെടാം.
താപനില കുറയുന്നതിനനുസരിച്ച്, ശ്വാസകോശം ഉള്പ്പടെയുള്ള ശരീരഭാഗങ്ങളിലേക്ക് രക്തം പമ്പ് ചെയ്യാന് ഹൃദയം ബുദ്ധിമുട്ടുന്നു. രക്തം ശ്വാസകോശത്തിലെത്താതിരിക്കുകയോ രക്തം പമ്പുചെയ്യാന് ആവശ്യമായ സ്ഥലം ധമനികളില് ലഭിക്കാതിരിക്കുകയോ ചെയ്യുന്നതിന്റെ ഫലമായി ശ്വാസമെടുക്കുമ്പോള് ബുദ്ധിമുട്ട് അനുഭവപ്പെടുന്നു. ഹൃദയാഘാതത്തിന്റെ ഒരു സാധാരണ ലക്ഷണമാണ് ശ്വാസതടസം. ശൈത്യകാലത്ത് രാവിലെ ഈ ബുദ്ധിമുട്ട് കൂടുതല് പ്രകടമാകും.
രാവിലെ എഴുന്നേല്ക്കുമ്പോള് തലകറക്കം അനുഭവപ്പെടുന്നെങ്കില് ഹൃദയാഘാതം സംശയിക്കണം. ഹൃദയാഘാതവുമായി ബന്ധപ്പെട്ട് രക്തസമ്മര്ദം കുറയുന്നതിന്റെ ഫലമായാകാം തലകറക്കം അനുഭപ്പെടുന്നത്. ഇതോടൊപ്പം നെഞ്ചുവേദന, ഓക്കാനം, ക്ഷീണം എന്നിവയും പ്രകടമാകാം. വിയര്ക്കുക എന്നത് ഹൃദയാഘാതത്തിന്റെ ഭാഗമായി കാണുന്ന ഒരു സാധാരണ ലക്ഷണമാണ്.
ശൈത്യകാലത്ത് അന്തരീക്ഷം തണുത്തിരിക്കുന്ന സാഹചര്യത്തിലും രാവിലെ അമിതമായി വിയര്ക്കുകയാണെങ്കില് ഇത് ഹൃദയാഘാതത്തിന്റെ ലക്ഷണമാകാം. രക്തം പമ്പ് ചെയ്യാന് കഠിനമായി പ്രവര്ത്തിക്കുമ്പോള് ശരീരം സ്വയം തണുപ്പിക്കാന് ശ്രമിക്കുന്നതിന്റെ ഫലമാണ് ഈ വിയര്പ്പ് അനുഭവപ്പെടുന്നത്. അത്ര സാധാരണയായി കാണപ്പെടാത്ത ഒരു ലക്ഷണമാണെങ്കിലും കണ്ണുകള്ക്ക് അനുഭവപ്പടുന്ന വേദന അവഗണിക്കരുത്, പ്രത്യേകിച്ച് റെറ്റിനയ്ക്കു പിന്നിലുള്ള വേദന. ഇത് ഹൃദയാഘാതത്തിന്റെ ലക്ഷണമാകാം.
പ്രതികരിക്കാൻ ഇവിടെ എഴുതുക