പത്തനംതിട്ട: ശബരിമലയില് തീര്ത്ഥാടകരുടെ തിരക്ക് തുടരുകയാണ്. മണ്ഡല പൂജയ്ക്ക് മുന്നോടിയായി തങ്ക അങ്കി ഘോഷയാത്ര ഇന്ന് വൈകീട്ടോടെ സന്നിധാനത്തെത്തും. കഴിഞ്ഞ ശനിയാഴ്ചയാണ് ആറന്മുള പാര്ഥസാരഥി ക്ഷേത്രത്തില് നിന്ന് തങ്ക അങ്കി വഹിച്ചുകൊണ്ടുള്ള ഘോഷയാത്ര ആരംഭിച്ചത്. ഘോഷയാത്ര ഉച്ചയോടെ പമ്പയിലെത്തും. തങ്ക അങ്കി ചാര്ത്തിയ അയ്യപ്പനെ കാണാന് വലിയ തിരക്കാണ് സന്നിധാനത്ത് അനുഭവപ്പെടുന്നത്.
അതോസമയം, തങ്ക അങ്കി ഘോഷയാത്ര എത്തുന്നതിനാല് ഉച്ചയ്ക്ക് ഒരുമണി മുതല് മല ചവിട്ടുന്നതിന് നിയന്ത്രണമുണ്ടാവും. ശരംകുത്തിയില് ദേവസ്വം ബോര്ഡ് തങ്ക അങ്കിക്ക് ഔദ്യോഗിക സ്വീകരണം നല്കും. 6.15-ന് സന്നിധാനത്തെത്തിയശേഷം, 6.30-ന് തങ്ക അങ്കി ചാര്ത്തിയുള്ള മഹാദീപാരാധന നടക്കും. ബുധനാഴ്ച രാവിലെ 10.30-നും 11.30-നുമിടയ്ക്കാണ് മണ്ഡലപൂജ. 27-ന് അടയ്ക്കുന്ന നട മകരവിളക്ക് ഉത്സവത്തിനായി 30-ന് അഞ്ചുമണിക്ക് തുറക്കും.
ഇന്ന് രാവിലെ ആറുമണി വരെ 20,000 പേരിലധികം പേര് സന്നിധാനത്തിയെന്നാണ് കണക്കുകള് പറയുന്നത്. സന്നിധാനത്ത് തിരക്ക് നിയന്ത്രണവിധേയമാണെങ്കിലും ഇവിടേക്കുള്ള വഴികളില് തീര്ഥാടകരുടെ നിര നീണ്ടുതന്നെ തുടരുകയാണ്. പമ്പ മുതല് സന്നിധാനം വരെ ഭക്തരെ ഘട്ടംഘട്ടമായാണ് കടത്തിവിടുന്നത്. 15 മണിക്കൂര് വരെ ദര്ശനത്തിനായി കാത്തിരിക്കേണ്ടി വരുന്നുണ്ട്.
പ്രതികരിക്കാൻ ഇവിടെ എഴുതുക