തിരുവനന്തപുരം: എല് ഡി ക്ലര്ക്ക് അടക്കമുള്ള തസ്തികകളിലേക്ക് അപേക്ഷിക്കുന്നതിനുള്ള അവസാന തിയതി നീട്ടിയതായി പിഎസ്സി. അവസാന തിയതി ഇന്ന് അവസാനിക്കാനിരിക്കെയാണ് രണ്ട് ദിവസത്തേക്ക് കൂടി തിയതി നീട്ടിയതായി അറിയിച്ചിരിക്കുന്നത്. ഏറ്റവും പുതിയ അറിയിപ്പ് പ്രകാരം എല് ഡി ക്ലര്ക്ക് അടക്കമുള്ള തസ്തികയിലേക്ക് അപേക്ഷിക്കാനുള്ള അവസാന തിയതി അഞ്ചാം തിയതിയാക്കി. അഞ്ചാം തിയതി രാത്രി 12 മണി വരെ അപേക്ഷ സമര്പ്പിക്കാം.
2024 ലെ എല് ഡി ക്ലര്ക്ക് (എല് ഡി സി) പരീക്ഷയ്ക്കുള്ള വിജ്ഞാപനം ഡിസംബര് മാസം ഒന്നാം തിയതിയാണ് പി എസ് സി പുറത്തിറക്കിയത്. എസ് എസ് എല് സിയോ തത്തുല്യ പരീക്ഷയോ പാസ്സായവര്ക്ക് അപേക്ഷിക്കാം. ഇത്തവണ പ്രിലിമിനറി പരീക്ഷയില്ല. ഒറ്റ പരീക്ഷ നടത്തിയാണ് റാങ്ക് ലിസ്റ്റ് പ്രസിദ്ധീകരിക്കുക. 26,500 – 60,700 ആണ് ശമ്പള നിരക്ക്.
18 വയസ്സാണ് അപേക്ഷിക്കാനുള്ള കുറഞ്ഞ പ്രായ പരിധി. 36 വയസ്സ് വരെയുള്ളവര്ക്ക് അപേക്ഷിക്കാവുന്നതാണ്. പിന്നാക്ക വിഭാഗങ്ങള്ക്ക് ഉയര്ന്ന പ്രായപരിധിയില് ഇളവുണ്ട്. പട്ടികജാതി, പട്ടിക വര്ഗ്ഗ വിഭാഗത്തിന് അഞ്ച് വര്ഷവും മറ്റ് പിന്നാക്ക വിഭാഗങ്ങള്ക്ക് മൂന്ന് വര്ഷവുമാണ് ഇളവ്. ജില്ലാടിസ്ഥാനത്തിലായിരിക്കും നിയമനം. എത്ര ഒഴിവുകളുണ്ടെന്ന് ഇപ്പോള് വ്യക്തമല്ല. അതേസമയം, പരീക്ഷാ തിയ്യതി പ്രഖ്യാപിച്ചിട്ടില്ല.
പ്രതികരിക്കാൻ ഇവിടെ എഴുതുക