കൊച്ചി: പപ്സ് കഴിച്ച ഒരു കുടുംബത്തിലെ നാല് പേര്ക്ക് ഭക്ഷ്യവിഷബാധയേറ്റ സംഭവത്തില് നഷ്ടപരിഹാരത്തിന് ഉത്തരവിട്ട് കോടതി. ബേക്കറി ഉടമ അരലക്ഷം രൂപ നഷ്ടപരിഹാരം നൽകണമെന്ന് എറണാകുളം ജില്ലാ ഉപഭോക്തൃ തർക്കപരിഹാര കോടതി ഉത്തരവിട്ടു.
മൂവാറ്റുപുഴ സ്വദേശികളുടെ പരാതിയിലാണു കോടതി നടപടിയെടുത്തത്. 30 ദിവസത്തിനകം അരലക്ഷം രൂപ പരാതിക്കാര്ക്ക് നല്കാനാണ് കോടതി പറഞ്ഞിരിക്കുന്നത്.
മൂവാറ്റുപുഴയിലെ സുശീലാ ബേക്കറി ഉടമ കെ.എൻ ഭാസ്കരനെതിരെയാണ് മൂവാറ്റുപുഴ സ്വദേശികളായ സന്തോഷ് മാത്യു, ഭാര്യ സുജ, മക്കളായ നാഥൻ, നിധി എന്നിവർ കോടതിയിൽ പരാതി നൽകിയത്.
2019 ജനുവരി 26നാണ് പരാതിക്കാർ ബേക്കറിയിൽ നിന്ന് പപ്സ് ഉൾപ്പെടെയുള്ള ഭക്ഷ്യവസ്തുക്കൾ കഴിച്ചത്. തുടർന്ന് വയറുവേദന, ചർദ്ദി എന്നിവ അനുഭവപ്പെട്ടു. ഭക്ഷ്യസുരക്ഷാ, ആരോഗ്യ വകുപ്പ് ഉദ്യോഗസ്ഥർക്ക് ഇവർ പരാതിയും നൽകി.
പ്രതികരിക്കാൻ ഇവിടെ എഴുതുക