ശബരിമല: ശബരിമയിൽ മകരവിളക്കിനോട് അനുബന്ധിച്ച് സുരക്ഷ ശക്തമാക്കി. 2,500 പൊലീസുകാരെയാണ് സന്നിധാനത്തും പരിസരത്തും വിന്യസിച്ചിട്ടുള്ളത്. അയ്യപ്പന്മാർക്ക് സഹായവുമായി പുതുതായി 350 ജീവനക്കാരെ കൂടി ദേവസ്വം ബോർഡ് നിയോഗിച്ചു.
മകരജ്യോതി ദർശിക്കാൻ എത്തിയവർ സന്നിധാനത്ത് ടെന്റുകൾ കെട്ടി താമസം തുടങ്ങി. സന്നിധാനത്ത് തുടരുന്നവരെ നിർബന്ധപൂർവ്വം തിരിച്ചയയ്ക്കേണ്ടെന്നാണ് ദേവസ്വം ബോർഡിന്റെ തീരുമാനം.
അതേസമയം, മകരവിളക്ക് മഹോത്സവത്തിന് മുന്നോടിയായി ഇന്ന് ശബരിമലയിൽ ഉന്നതതല യോഗം നടക്കും. മഹോത്സവത്തിന്റെ മുന്നൊരുക്കങ്ങള് വിലയിരുത്തുകയും തീര്ത്ഥാടകരുടെ സുരക്ഷ ഉറപ്പാക്കുകയുമാണ് യോഗത്തിന്റെ പ്രധാന അജണ്ട.
ദേവസ്വം പ്രസിഡണ്ട്,സന്നിധാനം സ്പെഷ്യൽ ഓഫീസർ,ശബരിമല എഡിഎം തുടങ്ങിയവർ യോഗത്തിൽ പങ്കെടുക്കും.
മകരവിളക്ക് ദിവസം സ്വാമി അയ്യപ്പന് ചാര്ത്താനുള്ള തിരുവാഭരണവും വഹിച്ചുകൊണ്ടുള്ള ഘോഷയാത്ര നാളെ പന്തളത്തു നിന്നും പുറപ്പെടും.
പ്രതികരിക്കാൻ ഇവിടെ എഴുതുക