റാഞ്ചി: ബൈക്കില് നടത്തുന്ന ലോകസഞ്ചാരത്തിന്റെ ഭാഗമായി ഇന്ത്യ സന്ദർശിക്കാൻ എത്തിയ സ്പാനിഷ് വ്ളോഗറെ കൂട്ടബലാൽസംഗം ചെയ്ത സംഭവത്തിൽ 4 പേർ അറസ്റ്റിൽ. വെള്ളിയാഴ്ച രാത്രി ജാർഖണ്ഡിലെ ദുംകയിലാണ് 28കാരി ക്രൂരമായി പീഡിപ്പിക്കപ്പെട്ടത്. 7 പേർ ചേർന്നാണ് ക്രൂരമായി ഉപദ്രവിച്ചതെന്ന് ആശുപത്രിയിൽ ചികിത്സയിലുള്ള യുവതി വെളിപ്പെടുത്തിയത്.
യുവതിയുടെ പങ്കാളിയെയും സംഘം ചേർന്ന് ആക്രമിച്ച് പരുക്കേൽപിക്കുകയും സാധനങ്ങൾ മോഷ്ടിക്കുകയും യുവതിയെ ക്രൂര പീഡനത്തിന് ഇരയാക്കുകയുമായിരുന്നു. യൂട്യൂബിൽ 2 ലക്ഷം ഫോളോവേഴ്സുള്ള വ്ലോഗരാണ് പീഡിപ്പിക്കപ്പെട്ടത്. വിവിധ രാജ്യങ്ങളിലൂടെ 5 വർഷമായി യാത്ര ചെയ്ത ശേഷമാണ് 28 കാരി ഇന്ത്യയിലെത്തിയത്. പ്രതിപക്ഷം ഈ സംഭവം സർക്കാരിനെതിരെ ശക്തമായ ആയുധമാക്കുകയാണ് .
ആദിവാസികൾക്കും ദളിതർക്കും പിന്നാലെ ജാർഖണ്ഡിൽ വിദേശികളും സുരക്ഷിതരല്ലെന്നാണ് ബിജെപി സംഭവത്തേക്കുറിച്ച് പ്രതികരിച്ചത്. ബൈക്കില് നടത്തുന്ന ലോകസഞ്ചാരത്തിന്റെ ഭാഗമായാണ് ഇവര് ഇന്ത്യയിൽ വന്നത്. ഇന്ത്യയില് നിന്ന് നേപ്പാളിലേക്കുള്ള യാത്രയുടെ ഭാഗമായി ജാര്ഖണ്ഡിലെത്തിയ ഇവര് ഡുംകയില് രാത്രി തങ്ങാനായി ഒരു ടെന്റ് സജ്ജമാക്കിയിരുന്നു. അവിടെവച്ചാണ് ആക്രമണം ഉണ്ടായത്. നേപ്പാള് യാത്രയ്ക്ക് മുന്പ് ഇവര് കേരളത്തിലുമെത്തിയിരുന്നു.
കഴിഞ്ഞ വർഷം ജൂലൈ മാസത്തിലാണ് ഇവർ പാകിസ്ഥാൻ വഴി രാജ്യത്തെത്തുന്നത്. ആക്രമിക്കപ്പെട്ടതിന് പിന്നാലെ പട്രോളിംഗ് സംഘത്തിന്റെ സഹായം ആവശ്യപ്പെട്ട ഇവർ സംസാരിച്ചത് എന്താണെന്ന് പൂർണമായി മനസിലാകാതിരുന്ന പൊലീസ് ഇവരെ ആശുപത്രിയിലെത്തിച്ച ശേഷമാണ് നടന്നത് കൂട്ടബലാത്സംഗമാണെന്ന് മനസിലാകുന്നത്.
പ്രതികരിക്കാൻ ഇവിടെ എഴുതുക