ഇടുക്കി: അടിമാലി മാങ്കുളം ആനക്കുളത്തിനു സമീപം വിനോദസഞ്ചാരികള് സഞ്ചരിച്ച വാഹനം അപകടത്തില്പ്പെട്ടു. മൂന്ന് വയസുകാരി ഉള്പ്പടെ രണ്ട് പേര് മരിച്ചു. നിരവധി പേര്ക്ക് പരിക്കേറ്റിട്ടുണ്ട്. ഒരാളുടെ നില ഗുരുതരമാണ്. വാഹനം താഴ്ചയിലേക്ക് മറിഞ്ഞാണ് അപകടമുണ്ടായത്. മൂന്ന് തിരുനെല്വേലി സ്വദേശികളാണ് മരിച്ചത്.
നിരവധി പേര്ക്ക് പരിക്കേറ്റു. തമിഴ്നാട്ടില് നിന്ന് വിനോദസഞ്ചാരത്തിനെത്തിയ വാഹനമാണ് അപകടത്തില്പ്പെട്ടത്. തിരുനെല്വേലിയിലെ പ്രഷര്കുക്കര് കമ്പനിയിലെ ജീവനക്കാര് കുടുംബസമേതം മൂന്നാര് സന്ദര്ശിച്ച് മടങ്ങുകയായിരുന്നു. അഞ്ച് മണിയോടെയാണ് അപകടം. വളവ് തിരിയുമ്പോള് വണ്ടി കൊക്കയിലേക്ക് മറിയുകയായിരുന്നു. നാട്ടുകാര് എത്തിയാണ് ആദ്യം രക്ഷാപ്രവര്ത്തനം നടത്തിയത്.
ഉടന് തന്നെ പരിക്കേറ്റ മൂന്ന് പേരെ അടിമാലി ആശുപത്രിയിലെത്തിച്ചെങ്കിലും ജീവന് രക്ഷിക്കാനായില്ല. പതിനാല് പേരാണ് വാഹനത്തിലുണ്ടായിരുന്നതായാണ് സൂചന. പരിക്കേറ്റവരെ മുഴുവന് വാഹനത്തില് നിന്ന് മാറ്റിയിട്ടുണ്ട്. ട്രാവലര് 30 അടി താഴ്ചയിലേക്ക് മറിയുകയായിരുന്നു. പരുക്കേറ്റവരില് നിരവധി പേരുടെ നിലഗുരുതരമാണ്.
മാങ്കുളത്തു നിന്നും ആനക്കുളത്തേക്ക് പോകുന്ന വഴിയില് നിയന്ത്രണം വിട്ട വാഹനം മറിയുകയായിരുന്നു. ഈ മേഖലയില് അപകടം പതിവാണെന്ന് നാട്ടുകാർ പറയുന്നു. വലിയ ശബ്ദം കേട്ട് ഓടിയെത്തിയ നാട്ടുകാരാണ് രക്ഷാപ്രവർത്തനം ആരംഭിച്ചത്.
പ്രതികരിക്കാൻ ഇവിടെ എഴുതുക