കൊച്ചി: കൊച്ചി വാട്ടര് മെട്രോയുടെ ഫോര്ട്ട്കൊച്ചി സര്വീസ് ആരംഭിച്ചു. ഹൈക്കോര്ട്ട് ജങ്ഷന് ടെര്മിനലില്നിന്ന് ഞായറാഴ്ച രാവിലെ പത്തു മണിക്കായിരുന്നു ആദ്യ സര്വീസ്. കൊച്ചിന് ഷിപ്പ് യാര്ഡില് നിന്ന് വാങ്ങിയ പതിനാലാമത് ബോട്ടിന്റെയും ടിക്കറ്റിംഗ് ഉള്പ്പെടെയുള്ള സംവിധാനങ്ങളുടെയും ട്രയല് റണ് പൂര്ത്തിയായതോടെയാണ് ഫോര്ട്ട് കൊച്ചി ടെര്മിനലില് നിന്ന് ഇന്ന് മുതല് സര്വ്വീസ് ആരംഭിച്ചതെന്ന് മന്ത്രി പി രാജീവ് അറിയിച്ചു.
തിരഞ്ഞെടുപ്പ് പെരുമാറ്റച്ചട്ടം ബാധകമായതിനാല് ഉദ്ഘാടനച്ചടങ്ങുകള് ഒഴിവാക്കിയാണ് സര്വീസ് ആരംഭിച്ചത്. സന്തോഷ് ജോര്ജ് കുളങ്ങര, കെ.എം.ആര്.എല്. എം.ഡി ലോക്നാഥ് ബെഹറ ഉള്പ്പെടെയുള്ളവര് ആദ്യ സര്വീസില് ഫോര്ട്ട്കൊച്ചിയിലേക്ക് യാത്രചെയ്തു.
ഹൈക്കോര്ട്ട് ജംഗ്ഷന് ടെര്മിനലില് നിന്ന് ഫോര്ട്ട് കൊച്ചിയിലേക്ക് 40 രൂപയാണ് ടിക്കറ്റ് നിരക്ക്. 20 മുതല് 30 മിനിറ്റ് ഇടവേളകളില് ഹൈക്കോര്ട്ട് ജംഗ്ഷന് – ഫോര്ട്ട് കൊച്ചി റൂട്ടില് സര്വ്വീസ് ഉണ്ടാകും. അവധിക്കാലം ആഘോഷിക്കാനൊത്തുന്ന വിനോദസഞ്ചാരികള്ക്ക് ഫോര്ട്ട് കൊച്ചിയിലേക്ക് ഗതാഗതക്കുരുക്കില്പ്പെടാതെ എത്തിച്ചേരാന് വാട്ടര് മെട്രോ സര്വ്വീസ് സഹായകരമാകുമെന്നാണ് പ്രതീക്ഷിക്കുന്നതെന്ന് മന്ത്രി പറഞ്ഞു.
കൊച്ചി വാട്ടര് മെട്രോ സര്വ്വീസ് ആരംഭിച്ച് ഒരു വര്ഷം പൂര്ത്തിയാക്കുമ്പാഴാണ് ഫോര്ട്ട് കൊച്ചി സര്വ്വീസ് തുടങ്ങിയത്. കഴിഞ്ഞ വര്ഷം ഏപ്രില് 25നാണ് കൊച്ചി വാട്ടര് മെട്രോ സര്വ്വീസ് ആരംഭിക്കുന്നത്. 9 ബോട്ടുകളും രണ്ട് റൂട്ടുകളുമായി സര്വ്വീസ് ആരംഭിച്ച വാട്ടര് മെട്രോ 11 മാസം പിന്നിടുമ്പോള് 13 ബോട്ടുകളുമായി 5 റൂട്ടുകളിലേക്ക് വ്യാപിച്ചിരിക്കുന്നു.
പ്രതികരിക്കാൻ ഇവിടെ എഴുതുക