കൊച്ചി: നടി ആക്രമിക്കപ്പെട്ട കേസില് വിചാരണ നടപടികള് നിര്ത്തിവയ്ക്കണമെന്ന് ആവശ്യപ്പെട്ട് ദിലീപിന്റെ ഹര്ജി. പ്രതിയെന്ന നിലയില് തനിക്ക് അവകാശപ്പെട്ട രേഖകള് ലഭിച്ചിട്ടില്ലെന്നു ചൂണ്ടിക്കാട്ടിയാണ് ദിലീപ് ഹര്ജി നല്കിയിരിക്കുന്നത്.
മാര്ച്ച് 14ന് എണറാകുളം പ്രിന്സിപ്പല് സെഷന്സ് കോടതിയില് കേസിന്റെ വിചാരണ ആരംഭിക്കാനിരിക്കെയാണ് ദിലീപിന്റെ ഇപ്പോഴത്തെ ഈ നീക്കം.
നടി ആക്രമിക്കപ്പെട്ടതിന്റ ദൃശ്യങ്ങള് കൈമാറാനാവില്ലെന്ന് നേരത്തെ അങ്കമാലി മജിസ്ട്രേറ്റ് കോടതി വ്യക്തമാക്കിയിരുന്നു. ദൃശ്യങ്ങള് ദുരപയോഗം ചെയ്യപ്പെടാന് സാധ്യതയുണ്ടെന്ന് കണക്കിലെടുത്താണ് അന്ന് ഹര്ജി തള്ളിയിരുന്നത്. എന്നാല് ദൃശ്യങ്ങള് നല്കണമെന്നാവശ്യപ്പെട്ട് ദിലീപ് പിന്നീട് ഹൈക്കോടതിയെ സമീപിച്ചിരുന്നു.
പ്രതികരിക്കാൻ ഇവിടെ എഴുതുക