തൃശൂര്: തൃശൂരില് യുവതിയെ ഭര്ത്താവ് ചുട്ട് കൊന്ന വാര്ത്ത ഞെട്ടലോടെയാണ് കേരളം കേട്ടത്. മകളെ രക്ഷിക്കാനായി യാചിച്ചിട്ടും ഒരാള് പോലും സഹായിച്ചില്ലെന്ന് കൊല്ലപ്പെട്ട ജീതുവിന്റെ അച്ഛന് ജനാര്ദനന് പറഞ്ഞു. പഞ്ചായത്തംഗം ഉള്പ്പെടെയുള്ളവര് കാഴ്ചക്കാരായി നിന്നു.
ജനാർദ്ദനന്റെ വാക്കുകൾ – ‘പലിശ കയറിയാണ് കടം കുമിഞ്ഞത്. ഞങ്ങള് ഒന്നും ഇല്ലാത്തവരാണ്. കൊടുക്കാനില്ലാത്ത പൈസയാണ് ഇതെന്നാണ് മോള് പറഞ്ഞത്. ഒരു ജനപ്രതിനിധിയാണ് അവളെ ഭീഷണിപ്പെടുത്തിയത് പലപ്പോഴും. പെട്രോള് ഒഴിച്ചപ്പോള് എന്റെ മോള് ഓടി. ഞാന് അപ്പോള് കുറച്ചപ്പുറത്ത് സംസാരിച്ച് നില്ക്കുകയായിരുന്നു. പിന്നാലെ ഓടി ലൈറ്റര് കൊണ്ട് തീകൊളുത്തി. എന്റെ മോള് നിന്നു കത്തുകയായിരുന്നു. ആരും ഹായിച്ചില്ല. ആരോ ഒരാള് കുറച്ച് വെള്ളം ഒഴിച്ചു. വാര്ഡ് മെമ്പറടക്കം അവിടെ ഉണ്ടായിരുന്നു. ഞങ്ങളെ വിളിച്ചുവരുത്തിയതാണ് എന്നോര്ക്കണം.’
Also Read : വീട്ടില് അക്വേറിയം ഉണ്ടെങ്കിൽ ഈ കാര്യങ്ങൾ സൂക്ഷിക്കണം
കഴിഞ്ഞ ഞായറാഴ്ച ഉച്ചയ്ക്കു രണ്ടരയോടെയായിരുന്നു സംഭവം നടന്നത്. തൃശൂര് ചെങ്ങാലൂര് സ്വദേശിനി വിരാജും വെള്ളിക്കുളങ്ങര സ്വദേശിനി ജീതുവും ആറുവര്ഷമായി ദമ്പതികളായിരുന്നു. അഭിപ്രായ വ്യത്യാസങ്ങള്മൂലം ഇരുവരും വിവാഹമോചനത്തിന് തയാറായി. ഇതിനിടെ, ഭര്ത്താവിന്റെ വീടിനടുത്തുള്ള കുടുംബശ്രീയില് നിന്ന് ജീതു വായ്പയെടുത്തിരുന്നു. വായ്പ കുടിശിക തീര്ക്കാന് നേരിട്ടു വരാന് കുടുംബശ്രീ പ്രവര്ത്തകര് ആവശ്യപ്പെട്ടു. അച്ഛനോടൊപ്പം ജീതു ഓട്ടോറിക്ഷയില് കുടുംബശ്രീക്കാരുടെ അടുത്തെത്തി. കാര്യങ്ങള് സംസാരിക്കുന്നതിനിടെ സ്ഥലത്ത് എത്തിയ ഭര്ത്താവ് വിരാജ് പെട്രോള് ഒഴിച്ച് തീകൊളുത്തുകയായിരുന്നു. ഭര്ത്താവിനെ തടയാനോ പൊള്ളലേറ്റ യുവതിയെ ആശുപത്രിയില് എത്തിക്കാനോ ജനക്കൂട്ടം തയാറായില്ല. നാടുവിട്ട ഭര്ത്താവിനായി പൊലീസിന്റെ തിരച്ചില് തുടരുകയാണ്.
പ്രതികരിക്കാൻ ഇവിടെ എഴുതുക