ഒന്നിച്ചു നിന്നാൽ ഏത് കൊടിയ ദുരന്തവും നേരിടാൻ കഴിയുമെന്ന സന്ദേശമാണ് കേരളം നൽകിയതെന്ന് മുഖ്യമന്ത്രി പിണറായി വിജയൻ. തിരുവനന്തപുരം സെൻട്രൽ സ്റ്റേഡിയത്തിൽ സ്വാതന്ത്ര്യദിന പരേഡിൽ അഭിവാദ്യം സ്വീകരിച്ചു സംസാരിക്കുകയായിരുന്നു അദ്ദേഹം.
“വലിയ പ്രളയക്കെടുതിയുടെ പശ്ചാത്തലത്തിലാണ് ഇത്തവണ സ്വാതന്ത്ര്യദിനം എത്തിയിരിക്കുന്നത്. കേരളത്തിന്റെ ചരിത്രത്തില് ഇത്രയും വലിയ ദുരന്തമുണ്ടായിട്ടില്ല. കേന്ദ്രസംസ്ഥാന സര്ക്കാരുകളും ജനങ്ങളൊക്കെയും ഒന്നിച്ചു നിന്നാണ് ഈ ദുരന്തത്തെ അതിജീവിക്കുന്നത്. നാം ഒന്നിച്ചു നിന്നാല് ഏതു കൊടിയ ദുരന്തവും നേരിടാന് കഴിയും എന്ന സന്ദേശമാണ് പ്രളയകാലത്തെ ജനങ്ങളുടെ കൂട്ടായ്മ നല്കുന്നത്.
മുഖ്യമന്ത്രിയുടെ ദുരിതാശ്വാസ നിധിയിലേക്ക് ഉദാരമതികള് കാര്യമായ തോതില് സഹായമെത്തിക്കുന്ന ഘട്ടമാണിത്. ഏതു തുകയും ചെറുതല്ല, വലുതുമല്ല. ഈ ബോധത്തോടെ എല്ലാവരും ആത്മാര്ത്ഥമായി ഈ രംഗത്ത് സഹായിക്കുകയും സഹകരിക്കുകയും ചെയ്യണം; മുഖ്യമന്ത്രി അഭ്യര്ത്ഥിച്ചു.
ഈ വിധത്തിലുളള ജീവകാരുണ്യ നടപടികളിലൂടെയാവട്ടെ ഇക്കൊല്ലത്തെ നമ്മുടെ സ്വാതന്ത്ര്യദിനാഘോഷമെന്നും മുഖ്യമന്ത്രി കൂട്ടിച്ചേര്ത്തു.
“സ്വാതന്ത്ര്യസമര കാലഘട്ടത്തില് നമ്മുടെ നേതാക്കള് വിഭാവനം ചെയ്ത ലക്ഷ്യങ്ങള് സാക്ഷാത്കരിക്കാന് കഴിഞ്ഞുവോ എന്ന പരിശോധന നടത്തണം. ജനാധിപത്യവും മതനിരപേക്ഷതയുമാണ് നമ്മുടെ രാഷ്ട്രത്തിന്റെ ശക്തിസ്രോതസ്സ്. മതനിരപേക്ഷത നിലനിന്നാലേ സ്വാതന്ത്ര്യവും ജനാധിപത്യവും നിലനില്ക്കൂ എന്ന ചിന്ത ജനങ്ങളിലാകെ ഉണര്ത്താന് സ്വാതന്ത്ര്യദിനാഘോഷം സഹായിക്കട്ടെ” അദ്ദേഹം കൂട്ടിച്ചേർത്തു.
കനത്ത മഴ; 12 ജില്ലകളിൽ റെഡ് അലർട്ട്; 2 ജില്ലകളിൽ ഓറഞ്ച് അലർട്ട്
പ്രതികരിക്കാൻ ഇവിടെ എഴുതുക