പ്രളയത്തില് നാട് ദുരിതമനുഭവിച്ചപ്പോള് വിളിക്കാതെയും പറയാതെയും സഹായവുമായി എത്തിയ മുസ്ലീം സഹോദരങ്ങളോടുള്ള നന്ദി അറിയിക്കാൻ പള്ളിയിലെത്തിയ വികാരിയച്ചനെ കണ്ടു ഞെട്ടിയിരിക്കുകയാണ് വിശ്വാസികൾ.
പള്ളിയിലെ ജുമാപ്രസംഗത്തിനിടെയാണ് അച്ചിനകം കൃസ്ത്യന് പള്ളിയിലെ വികാരി അച്ഛന് പള്ളിയിലേക്ക് കയറിവന്നത്. കോട്ടയം വെച്ചൂരുള്ള ജുമാ മസ്ജിദില് വെള്ളിയാഴ്ചയാണ് ഇമാമിന്റെ പ്രസംഗം നടക്കുമ്പോള് ളോഹ അണിഞ്ഞ് വികാരി ഫാ. സനു പുതുശേരി പള്ളിയുടെ ഉള്ളിലേക്ക്കയറി വന്നത്.
ആദ്യമായാണ് ഒരു മുസ്ലിം പള്ളിയില് കയറുന്നത്, അഭിമാനവും സന്തോഷവും ഉണ്ട് എന്നു പറഞ്ഞാണ് വികാരി അച്ഛൻ പ്രസംഗിച്ചത് . പള്ളിയിലുണ്ടായിരുന്ന നിയാസ് എന്ന വിശ്വാസി തന്റെ ഫെയ്സ്ബുക്ക് പേജിലൂടെയാണ് ഇക്കാര്യം വെളിപ്പെടുത്തിയത്. ഫെയ്സ്ബുക്ക് പോസ്റ്റ് ഇപ്പോള് വൈറലായിരിക്കുകയാണ്.
പോസ്റ്റിനെ ചുരുക്ക രൂപം
ഏറെ നേരം നീണ്ടു നില്കാറുള്ള ജുമാപ്രസംഗം ഇമാം പെട്ടന്ന് അവസാനിപ്പിച്ചത് കണ്ടു കാര്യം എന്താകും എന്ന് ചിന്തിച്ചിരുന്ന ഏവരെയും ഞെട്ടിച്ചു കൊണ്ടാണ് അച്ചിനകം കൃസ്ത്യന് പള്ളിയിലെ വികാരി അച്ഛന് അങ്ങോട്ട് കയറി വന്നത്..പ്രളയത്തെ തുടര്ന്ന് കൃസ്ത്യന് ദേവാലയ വുമായി ബന്ധപെട്ടു മുസ്ലിം സഹോദരങ്ങള് ഒരുപാട് സഹായം ചെയ്തു അതിനു നന്ദി അറിയിക്കുക എന്നതാണ് ആഗമന ലക്ഷ്യം എന്ന് മുഖവുര ഏതുമില്ലാതെ അച്ഛന് പറഞ്ഞു. ആദ്യമായാണ് ഒരു മുസ്ലിം പള്ളിയില് കയറുന്നത് ,അഭിമാനവും സന്തോഷവും ഉണ്ട് എന്നു പറഞ്ഞാണ് അദ്ദേഹം തുടങ്ങിയത്..ആ വാക്കുകള് കടമെടുത്താല് … ‘ മഹാ പ്രളയതിനാണ് ആണ് നാം സാക്ഷ്യം വഹിച്ചത് ,പ്രളയം നമ്മളില് നിന്നും പലതും കവര്ന്നു കൊണ്ട് പോയി എങ്കിലും ആദ്യം നമ്മളില് നിന്നും കവര്ന്നത് പരസ്പരം നാം അതിര് കെട്ടി തിരിച്ച മതിലുകള് ആയിരുന്നു, നമ്മടെ മനസ്സിലെ അഹങ്കാരങ്ങളെ ആയിരുന്നു, ഞാന് മാത്രം മതി എന്ന നമ്മടെ കാഴ്ചപ്പാടുകളെ ആയിരുന്നു, എന്നാല് പ്രളയം നമ്മെ പഠിപ്പിച്ച ഒന്നായിരുന്നു സഹകരണം, പരസ്പരം ജാതി നോക്കാതെ മതം നോക്കാതെ സമ്പത്തു നോക്കാതെ പരസ്പരം സ്നേഹിക്കാനും സമാധാനിപ്പിക്കാനും നമുക്ക് കഴിഞ്ഞു..എവിടെയോ നമുക്കു നഷ്ടമായി കൊണ്ടിരുന്ന മാനുഷിക മൂല്യങ്ങളെ ഉയര്ത്തി എടുക്കുവാന് പ്രളയം കൊണ്ട് കഴിഞ്ഞു. പരസ്പരം കണ്ടിട്ടില്ലാത്ത ആളുകള് പോലും സഹോദരന് മാരെ പോലെ ഓണവും പെരുന്നാളും ഒക്കെ ഒരേ മനസ്സോടെ ആഘോഷിച്ചു .ഒരു ദുരന്തം ഉണ്ടാകുമ്പോള് മാത്രം ഒന്നിക്കേണ്ട ഒന്നല്ല ഈ ബന്ധം ഇതില് കൂടെ നാം നേടി എടുത്ത മാനുഷിക മൂല്യങ്ങള് നമുക്ക് നാളെയുടെ തലമുറക്കും കൈ മാറാം .കാലങ്ങളോളം കൈകോര്ത്തു മുന്നോട്ട് പോകണം നാം..’
ബാലുശ്ശേരി; നവജാതശിശുവിനെ അമ്മ കഴുത്തറുത്തു കൊന്നു
പ്രതികരിക്കാൻ ഇവിടെ എഴുതുക