നിറം വര്ദ്ധിപ്പിക്കാനും ഇന്ന് നിരവധിയാണ് മാര്ഗ്ഗങ്ങള്. ചര്മത്തിന്റെ നിറം പൂര്ണമായും പാരമ്പര്യമായി കിട്ടുന്നതാണ്. എങ്കിലും ശുദ്ധമായ കുങ്കുമപ്പൂ 24 എണ്ണം ഒരു ഗ്ലാസ് തിളപ്പിച്ചാറിയ പാലില് ചേര്ത്ത് നിത്യവും കഴിച്ചാല് നിറം വര്ദ്ധിക്കും.
മുഖത്തെ പാടുകള് പോവാനും ചര്മം മൃദുവാകാനും വിശേഷപ്പെട്ടതാണ് കുങ്കുമാദിതൈലം. ഇത് വിലകൂടിയ ഒരു തൈലമാണ്. രണ്ടോ മൂന്നോ തുള്ളി കൈവെള്ളയിലെടുത്ത് മുഖത്ത് പുരട്ടിയിടുക. മുക്കാല് മണിക്കൂറിനു ശേഷം നേരിയ ചൂടുവെള്ളത്തില് കഴുകുക.
പ്രകൃതിദത്തമായ ഫലങ്ങള് പലതിനും ഔഷധഗുണമുണ്ട്. പഴസത്ത് നേരിട്ട് ഫെയ്സ് പാക്കായി ഉപയോഗിക്കാം. യാതൊരു പാര്ശ്വഫലവും ഉണ്ടാവില്ല.
തക്കാളിനീരും ചെറുനാരങ്ങാനീരും ഓരോ സ്?പൂണ് വീതം എടുത്ത് യോജിപ്പിച്ച് 30 മിനുട്ട് മുഖത്ത് പുരട്ടുക. ശേഷം കഴുകിയാല് മുഖത്തിന് നല്ല തിളക്കം കിട്ടും. തേനും നാരങ്ങാനീരും ഇതുപോലെ സമം ചേര്ത്ത് പുരട്ടാം.
തിളപ്പിക്കാത്ത പാല് 50 മില്ലി എടുക്കുക. ഇതിലേക്ക് ഒരു ടേബിള് സ്പൂണ് നാരങ്ങാനീര് ചേര്ക്കണം. പാല് പിരിയാതിരിക്കാന് ഒരു നുള്ള് ഉപ്പ് ചേര്ക്കാം. നേര്ത്ത കോട്ടണ് തുണികൊണ്ട് മുഖത്ത് പുരട്ടാം. ചര്മം മൃദുവാകാന് യോജിച്ച കൂട്ടാണ് ഇത്.
വെള്ളരിക്ക അരച്ചതില് നാരങ്ങാനീര് ചേര്ത്ത മിശ്രിതവും ഇതുപോലെ ഫെയ്സ് പാക്ക് ഇടാം.
കൈമുട്ട്, കാല്മുട്ട് എന്നീ സന്ധികളില് ചര്മം ഇരുണ്ടും കടുപ്പമേറിയും കാണാം. ഏലാദിതൈലം, നാല്പാമരാദിതൈലം, ദിനേശവല്യാദിതൈലം എന്നിവയില് ഏതെങ്കിലുമൊന്ന് ദേഹത്ത് പുരട്ടുന്നത് ചര്മത്തിന്റെ പരുപരുപ്പ് കുറയ്ക്കും.
തണുപ്പ് കൂടുതലുളള കാലാവസ്ഥയില് നല്ലെണ്ണയാണ് ദേഹത്ത് പുരട്ടാന് നല്ലത്. ചര്മത്തില് വരള്ച്ചയും മൊരിയും ഉണ്ടെങ്കില് പടോലകേരഘൃതം പുരട്ടാം. കൊച്ചുകുട്ടികളില് ഇതിന്റെ ഫലം വേഗം കാണാം. കുളി കഴിഞ്ഞാലും പടോലകേരഘൃതം രണ്ടു തുള്ളി എടുത്ത് മുഖത്ത് പുരട്ടുന്നത് നല്ലതാണ്. ചര്മത്തില് എണ്ണയുടെ അംശം നിലനില്ക്കാന് ഇത് സഹായിക്കും.
പ്രതികരിക്കാൻ ഇവിടെ എഴുതുക