സംസ്ഥാനത്ത് തിരഞ്ഞെടുപ്പ് നടക്കുന്ന സാഹചര്യത്തിൽ വോട്ടെടുപ്പിന്റെ തലേദിവസമായ ഏപ്രിൽ 22 തിങ്കളാഴ്ച സംസ്ഥാനത്തെ സ്വകാര്യ കോളേജുകൾ ഉൾപ്പടെയുള്ള എല്ലാ വിദ്യാഭാസ സ്ഥാപനങ്ങൾക്കും അവശി നൽകണമെന്ന് തിരഞ്ഞെടുപ്പ് കമ്മീഷൻ സർക്കാരിനോട് ആവശ്യപ്പെട്ടു. ഇതുസംബന്ധിച്ച ഉത്തരവ് സർക്കാർ നാളെ പുറപ്പെടുവിപ്പിക്കും.
22 ന് സര്ക്കാര് ഓഫിസുകള്ക്കും സ്ഥാപനങ്ങള്ക്കും പൊതുഅവധി അനുവദിക്കുന്ന കാര്യത്തില് സര്ക്കാരിന് ഉചിതമായ തീരുമാനമെടുക്കാമെന്നും നെഗോഷ്യബിള് ഇന്സ്ട്രുമെന്റ്സ് ആക്ട് അനുസരിച്ച് അന്ന് അവധി അനുവദിക്കുന്ന കാര്യത്തിലും സര്ക്കാരിനു തീരുമാനമെടുക്കാമെന്നും മുഖ്യ തിരഞ്ഞെടുപ്പ് ഓഫിസര് (സിഇഒ) ടിക്കാറാം മീണ പൊതുഭരണ പ്രിന്സിപ്പല് സെക്രട്ടറിയെ അറിയിച്ചു.
പ്രതികരിക്കാൻ ഇവിടെ എഴുതുക