ന്യൂഡല്ഹി: പ്രധാനമന്ത്രി നരേന്ദ്രമോദിയും ചൈനീസ് പ്രസിഡന്റ് ഷി ജിന്പിങ്ങും തമ്മിലുള്ള കൂടിക്കാഴ്ച ഇന്ന് ചെന്നൈയിൽ വച്ച് നടക്കും.ടിബറ്റന് ആക്ടിവിസ്റ്റുകളുടെ പ്രതിഷേധം കണക്കിലെടുത്ത് കനത്ത സുരക്ഷയിലാണ് ഉച്ചകോടി നടക്കുന്ന മഹാബലി.
കശ്മീര് ആഭ്യന്തര പ്രശ്നമെന്നും, വിഷയം ഷീ ജിന്പിങ് ഉന്നയിച്ചാല് മാത്രം ഇക്കാര്യത്തിലുള്ള രാജ്യത്തിന്റെ പ്രഖ്യാപിത നിലപാട് നല്കാമെന്ന തീരുമാനത്തിലാണ് ഇന്ത്യ.
ബുധനാഴ്ച പാകിസ്താന് പ്രധാനമന്ത്രി ഇമ്രാന് ഖാനുമായി നടത്തിയ കൂടിക്കാഴ്ചയില് ‘കശ്മീരിലെ കാര്യം ചൈന ശ്രദ്ധാപൂര്വം നിരീക്ഷിക്കുന്നുണ്ടെ’ന്നാണ് ചൈനീസ് പ്രസിഡന്റ് ഷി ജിന്പിങ് പറഞ്ഞത്.
സമഗ്ര സാമ്പത്തിക പങ്കാളിത്ത കരാര് ഉള്പ്പടെയുള്ള വിഷയങ്ങളാണ് ചര്ച്ചയിലെ പ്രധാന അജണ്ഡ. ലഡാക്കിന് കേന്ദ്രഭരണപ്രദേശ പദവി നല്കാനുള്ള തീരുമാനം ചൈന ഉന്നയിക്കാനുള്ള സാധ്യതയുണ്ടെന്നു കരുതുന്നു.
ഇന്ത്യയിലേക്ക് കൂടുതല് ചൈനീസ് നിക്ഷേപം ക്ഷണിക്കാന് ചര്ച്ചയില് സാധ്യതയുണ്ട്. ജൂണിലെ കണക്കനുസരിച്ച് 226 കോടി ഡോളറാണ് ഇന്ത്യയില് ചൈനയുടെ നിക്ഷേപം. ഇതു വര്ധിപ്പിക്കുന്നതിനെക്കുറിച്ച് ചര്ച്ച നടക്കും.
നാളെ ഉച്ചയ്ക്ക് ഒന്നരയ്ക്ക് ചെന്നൈയിലെത്തുന്ന ചൈനീസ് പ്രസഡന്റിനെ സ്വീകരിക്കാന് വിപുലമായ ഒരുക്കങ്ങള് തയ്യാറാക്കിയിട്ടുണ്ട്. സൗഹൃദ സംഭാഷണത്തിന് ശേഷം ഇരുനേതാക്കളും മഹാബലിപുരത്തെ പൈതൃക സ്മാരകങ്ങളും സന്ദര്ശിക്കും.
പ്രതികരിക്കാൻ ഇവിടെ എഴുതുക