പ്രിയദര്ശന്- മോഹന് കൂട്ടുകെട്ടിലൊരുങ്ങുന്ന മരക്കാര് അറബിക്കടലിന്റെ സിംഹത്തില് ഇരുവരുടെയും മക്കളും അഭിനേതാക്കളുമായ കല്യാണിയും പ്രണവും പ്രധാന വേഷങ്ങളിലെത്തുന്നുണ്ട്. ചിത്രത്തില് ഇരുവരും നായികാനായകന്മാരാണ്. ഇപ്പോഴിതാ പ്രണവിനൊപ്പമുള്ള ലൊക്കേഷന് അനുഭവങ്ങള് ഗൃഹലക്ഷ്മിയുമായുള്ള അഭിമുഖത്തില് പങ്കു വെച്ചിരിക്കുകയാണ് കല്യാണി.
കല്യാണിയുടെ വാക്കുകള്
ആ സിനിമയിലെ ഓരോ ഷോട്ടും ആസ്വദിച്ചാണ് ചെയ്തത്. അപ്പുച്ചേട്ടന്റെ നായികാ കഥാപാത്രമാണ് ഞാന്. ഒന്നിച്ചഭിനയിക്കുമ്പോള് പലപ്പോഴും ചിരിവരും. നീ ചിരിച്ചോ എന്ന് ഷോട്ട് കഴിയുമ്പോള് അപ്പുച്ചേട്ടന് ചോദിക്കും. മരയ്ക്കാറിന്റെ സെറ്റ് ശരിക്കും കുടുംബസംഗമം പോലെയായിരുന്നു. ഒരു ടെന്ഷനുമില്ലാതെയാണ് അഭിനയിച്ചത്.
അഭിനേതാവ് എന്ന നിലയില് ഒരു ടെന്ഷനുമില്ലാതെയാണ് അപ്പുച്ചേട്ടന് അഭിനയിക്കുന്നത്. ഒരു ഷോട്ട് പറഞ്ഞു കൊടുത്താല് അതിനെ കുറിച്ച് അധികം ചിന്തിക്കാതെ വളരെ ഭംഗിയായി അഭിനയിക്കും. എന്നാല് ഞാന് കുറേ ചിന്തിച്ച ശേഷമേ അഭിനയിക്കൂ. ശരിക്കും രണ്ടുപേരും വ്യത്യസ്ത ധ്രുവങ്ങളില് അഭിനയത്തെ സമീപിക്കുന്നവരാണെന്ന് പറയാം. ലാലങ്കിളും അപ്പുച്ചേട്ടനെപ്പോലെ ആയാസരഹിതമായാണ് അഭിനയിച്ചിരുന്നതെന്ന് അമ്മ പറഞ്ഞിട്ടുണ്ട്. ലാലങ്കിളിന്റെ കഴിവ് തന്നെയാണ് അപ്പുച്ചേട്ടനും കിട്ടിയത്. മരയ്ക്കാറില് കഥ നടക്കുന്ന പ്രദേശത്ത് സംസാരിച്ചിരുന്ന തനത് ഭാഷയാണ്. അത് പഠിക്കാന് കുറച്ച് വിഷമമായിരുന്നു. എന്നാല് അപ്പു അത് വളരെ എളുപ്പത്തില് സംസാരിച്ചു.
പ്രതികരിക്കാൻ ഇവിടെ എഴുതുക