മുംബൈ: നിക്ഷേപകരില് പ്രതീക്ഷ വളര്ത്തി ഉണര്വ്വ് പ്രകടമാക്കി ഓഹരി വിപണി. സെന്സെക്സ് 550 പോയന്റ് നേട്ടത്തില് 28990ലും നിഫ്റ്റി 174 പോയന്റ് ഉയര്ന്ന് 8455ലുമാണ് വ്യാപാരം ആരംഭിച്ചത്.കഴിഞ്ഞ ദിവസത്തെ നഷ്ടത്തില് പാതിയോളം ഇന്ന് തിരിച്ചുപിടിച്ചു.
ബിഎസ്ഇയിലെ 513 കമ്പനികളുടെ ഓഹരികള് നേട്ടത്തിലും 82 ഓഹരികള് നഷ്ടത്തിലുമാണ്. 27 ഓഹരികള്ക്ക് മാറ്റമില്ല.
മിക്കവാറും സെക്ടറല് സൂചികകള് നേട്ടത്തിലാണ്. ബാങ്ക് നിഫ്റ്റി 1.85ശതമാനവും ഐടി 1.79ശതമാനവും സ്മോള് ക്യാപ് 1.51 ശതമാനവും മിഡ്ക്യാപ് 1.39 ശതമാനവും നേട്ടത്തിലാണ്. വാഹനം, ലോഹം, ഓയില്ആന്ഡ്ഗ്യാസ് തുടങ്ങിയ സൂചികകളും നേട്ടത്തില്തന്നെ.
ഹിന്ഡാല്കോ, വേദാന്ത, ടാറ്റ സ്റ്റീല്, ഐസിഐസിഐ ബാങ്ക്, എച്ച്ഡിഎഫ്സി, ഡോ.റെഡ്ഡീസ് ലാബ്, ഗെയില്, ആക്സിസ് ബാങ്ക്, റിലയന്സ്, ഒഎന്ജിസി തുടങ്ങിയ ഓഹരികളാണ് നേട്ടത്തില്. അതേസമയം ഇന്ഡസിന്റ് ബാങ്ക്, ഭാരതി എയര്ടെല്, മാരുതി സുസുകി, ബജാജ് ഓട്ടോ, ബജാജ് ഫിനാന്സ് തുടങ്ങിയ ഓഹരികള് നഷ്ടം രേഖപ്പെടുത്തി.
ഫെബ്രുവരിയില് 35.7എന്ന റെക്കോഡ് താഴ്ചയിലെത്തിയ ചൈനയിലെ പിഎംഐ മാര്ച്ചില് 52.0ലേയ്ക്ക് കുതിച്ചിരുന്നു. ഇതാണ് ഇന്ത്യന് ഓഹരി വിപണിയിലും പ്രതിഫലിച്ചത്.
പ്രതികരിക്കാൻ ഇവിടെ എഴുതുക