തിരുവനന്തപുരം: സംസ്ഥാനത്തെ ഏഴ് ജില്ലകള് കോവിഡ് തീവ്രബാധിത പ്രദേശങ്ങളെന്ന് മുഖ്യമന്ത്രി പിണറായി വിജയന്.
കാസര്ഗോഡ്, തിരുവനന്തപുരം, പത്തനംതിട്ട, മലപ്പുറം, കണ്ണൂര്, എറണാകുളം, തൃശൂര് എന്നീ ജില്ലകളാണ് കോവിഡ് തീവ്രബാധിത പ്രദേശങ്ങളായി കണ്ടെത്തിയിരിക്കുന്നത്. ഈ പ്രദേശങ്ങളില് കൂടുതല് ശ്രദ്ധയുണ്ടാവും.
റാപ്പിഡ് ടെസ്റ്റിന് കേന്ദ്രത്തോട് സഹായം അഭ്യര്ഥിച്ചതായും പിണറായി വാര്ത്താ സമ്മേളനത്തില് പറഞ്ഞു.
അതേസമയം സംസ്ഥാനത്ത് വ്യാഴാഴ്ച 21 പേര്ക്കു കൂടി കൊറോണ സ്ഥിരീകരിച്ചു. കൊറോണ അവലോകന യോഗത്തിനു ശേഷം മുഖ്യമന്ത്രി പിണറായി വിജയനാണ് വാര്ത്താസമ്മേളനത്തില് ഇക്കാര്യം അറിയിച്ചത്.
കാസര്കോട് എട്ടുപേര്ക്കും ഇടുക്കിയില് അഞ്ചുപേര്ക്കും കൊല്ലത്ത് രണ്ടുപേര്ക്കും തിരുവനന്തപുരം, പത്തനംതിട്ട, തൃശ്ശൂര്, മലപ്പുറം, കോഴിക്കോട്, കണ്ണൂര് എന്നിവിടങ്ങളില് ഒരോരുത്തര്ക്കുമാണ് വ്യാഴാഴ്ച കൊറോണ സ്ഥിരീകരിച്ചത്.
സംസ്ഥാനത്ത് ഇതുവരെ 286പേര്ക്കാണ് കൊറോണ സ്ഥിരീകരിച്ചത്. 1,65,934 പേര് നിരീക്ഷണത്തിലുണ്ട്. ഇതില് 1,65,291 പേര് വീടുകളിലും 643 പേര് ആശുപത്രികളിലും നിരീക്ഷണത്തില് കഴിയുന്നു. വ്യാഴാഴ്ച മാത്രം 145 പേരെ ആശുപത്രിയില് പ്രവേശിപ്പിച്ചു. 8556 സാമ്പിളുകള് പരിശോധനയ്ക്ക് അയച്ചു. 7642 എണ്ണം രോഗബാധയില്ലെന്ന് കണ്ടെത്തിയിട്ടുണ്ട്.
പ്രതികരിക്കാൻ ഇവിടെ എഴുതുക