തൃശൂര്: കോവിഡ് രോഗികളുടെ എണ്ണം വര്ധിച്ചതിനെ തുടര്ന്നു തൃശൂര് ജില്ലയിലെ ആറ് പഞ്ചായത്തുകളില് ജില്ലാ കളക്ടര് നിരോധനാജ്ഞ പ്രഖ്യാപിച്ചു.
അവണൂര്, അടാട്ട്, ചേര്പ്പ്, പൊറത്തിശേരി, വടക്കേകാട്, തൃക്കൂര് പഞ്ചായത്തുകളെയാണ് കണ്ടെയ്ന്മെന്റ് മേഖലകളായി തിരിച്ച് നിരോധനാജ്ഞ പുറപ്പെടുവിച്ചത്.
അടിയന്തരാവശ്യങ്ങള്ക്കല്ലാതെ ആളുകള് പുറത്തിറങ്ങി നടക്കരുത്. പൊതു സ്ഥലങ്ങളില് മൂന്ന് പേരില് കൂട്ടം കൂടരുത്. വ്യക്തികള് തമ്മില് ഒരു മീറ്ററെങ്കിലും അകലവും വ്യാപാര സ്ഥാപനങ്ങളില് മൂന്ന് പേരില് കൂടുതല് ആളുകളും ഉണ്ടാവരുത്.
തൃശൂരില് കോവിഡ് ബാധിച്ച് 114 പേരാണ് ചികിത്സയിലുള്ളത്. 18,654 പേരാണ് ജില്ലയില് നിരീക്ഷണത്തിലുള്ളത്. ഇവരില് 131 പേര് ആശുപത്രിയിലാണ് നിരീക്ഷണത്തില് കഴിയുന്നത്. ആറ് പഞ്ചായത്തുകളും കണ്ടെയ്ന്മെന്റ് സോണുകളാക്കി.
അവശ്യ സാധനകള്ക്കായി പ്രവര്ത്തിക്കുന്ന വ്യാപാര സ്ഥാപനങ്ങള്ക്ക് മാത്രമാണ് അനുമതി. ഇത് രാവിലെ ഏഴ് മുതല് ഏഴ് വരെ മാത്രമേ പ്രവര്ത്തിക്കാന് അനുമതിയുള്ളു. ഇതര സംസ്ഥാനത്ത് നിന്നും തൊഴിലാളികളെ എത്തിച്ച് പണിയെടുപ്പിക്കാനോ വീടുകളില് കയറിയുള്ള കച്ചവടങ്ങളും വിലക്കിയിട്ടുണ്ട്. കര്ശന നടപടികള്ക്കും നിയമ പരിപാലനത്തിനായി കളക്ടര് ജില്ലാ പൊലീസ് മേധാവിമാര്ക്ക് നിര്ദേശം നല്കി.
ജില്ലയില് കൊവിഡ് ബാധിച്ചുള്ള മരണങ്ങളും രോഗീ നിരക്ക് ഉയര്ന്നതും ആരോഗ്യ പ്രവര്ത്തകര് അടക്കമുള്ളവര്ക്ക് രോഗം സ്ഥിരീകരിക്കുകയും ചെയ്ത സാഹചര്യത്തിലാണ് നിരോധനാജ്ഞ പുറപ്പെടുവിച്ചിട്ടുള്ളത്.
പ്രതികരിക്കാൻ ഇവിടെ എഴുതുക