ഹോം ക്വാറന്റീനിൽ കഴിഞ്ഞിരുന്ന യുവാവിനെ മരിച്ച നിലയില് കണ്ടെത്തി. തിരുവനന്തപുരം വലിയകുന്ന് ദാവൂദ് മന്സിലില് സുല്ഫിക്കര് ദാവൂദ് (42)നെയാണ് വെള്ളിയാഴ്ച ഉച്ചയോടെ മരിച്ച നിലയില് കണ്ടെത്തിയത്. വീട്ടിനുള്ളില് നിന്നു ദുര്ഗന്ധം വമിച്ചതിനെ തുടര്ന്നു നാട്ടുകാര് നടത്തിയ പരിശോധനയിലാണ് മൃതദേഹം കണ്ടെത്തിയത്.
ഈ കാര്യങ്ങള് ശ്രദ്ധിച്ചാൽ കൊവിഡ് വ്യാപനം നിയന്ത്രിക്കാം
ഒരു മാസം മുന്പ് ദുബായില് നിന്ന് നാട്ടിലെത്തിയ സുല്ഫിക്കര് ഹോം ക്വാറന്റീന് കാലാവധി കഴിഞ്ഞ ദിവസം പൂര്ത്തിയാക്കിയിരുന്നു. മരണത്തെപ്പറ്റിയുള്ള കാരണമോ മറ്റുള്ള വിവരങ്ങളോ ലഭ്യമായിട്ടില്ല. പോലീസ് സ്ഥലത്തെത്തി മൃതദേഹം മെഡിക്കല് കോളജ് മോര്ച്ചറിയിലേക്ക് മാറ്റി. ഭാര്യ മാജിദ ബീവി. മക്കള് സുഹാന, സുനൈന, നാദിര്ഷ എന്നിവരാണ്.
പ്രതികരിക്കാൻ ഇവിടെ എഴുതുക