സ്വർണക്കടത്ത് കേസിൽ മുഖ്യമന്ത്രിയുടെ മുൻ പ്രിൻസിപ്പൽ സെക്രട്ടറി എം ശിവശങ്കറിനെ ചോദ്യം ചെയ്യലിനു ശേഷം എൻ.ഐ.എ വിട്ടയച്ചു. ചോദ്യം ചെയ്യലിന്റെ രണ്ടാം ദിവസമായ ചൊവ്വാഴ്ച 10 മണിക്കൂർ നീണ്ട ചോദ്യംചെയ്യലിനു ശേഷമാണ് ശിവശങ്കറിനെ കൊച്ചിയിലെ എൻ.ഐ.എ ഓഫീസിൽനിന്ന് പുറത്തുവിട്ടത്. സെക്രട്ടറിയേറ്റിലെ സിസിടിവി ദൃശ്യങ്ങള് അടക്കം കിട്ടിയശേഷം വീണ്ടും ചോദ്യം ചെയ്യാനാണ് എന്ഐഎയുടെ നീക്കം
രാവിലെ 10 മണിക്കു തുടങ്ങിയ ചോദ്യംചെയ്യൽ രാത്രി 8.30-ന് ശേഷമാണ് കഴിഞ്ഞത്. പത്തര മണിക്കൂറിലധികം നീണ്ട ചോദ്യം ചെയ്യലിന് ശേഷം എം ശിവശങ്കർ കൊച്ചി എൻ.ഐ.എ ഓഫീസിൽ നിന്ന് പുറത്തിറങ്ങി. അദ്ദേഹം തിരുവനന്തപുരത്തേയ്ക്ക് മടങ്ങിയതായാണ് റിപ്പോര്ട്ട്.
തിങ്കളാഴ്ച ഒമ്പതര മണിക്കൂര് ശിവശങ്കറിനെ എന്.ഐ.എ ചോദ്യം ചെയ്തിരുന്നു. എന്.ഐ.എ.യുടെ ദക്ഷിണമേഖലാ മേധാവി കെ.ബി. വന്ദനയുടെ നേതൃത്വത്തിലാണ് ചോദ്യംചെയ്യല്. ചോദ്യം ചെയ്യലിനുശേഷം കൊച്ചിയില് തുടരാനും ചൊവ്വാഴ്ച ഹാജരാവാനും എന്.ഐ.എ നിര്ദേശിക്കുകയായിരുന്നു. തുടര്ന്ന് കൊച്ചി പനമ്പള്ളി നഗറില് എന്.ഐ.എ ഓഫിസിന് സമീപമുള്ള ഹോട്ടലിലാണ് ശിവശങ്കര് താമസിച്ചത്.
പ്രതികരിക്കാൻ ഇവിടെ എഴുതുക