Home AUTOMOBILE ജൂണ്‍ മാസത്തിലെ വില്‍പ്പന കണക്കുകളില്‍ ഹോണ്ടയുടെ ജനപ്രീയ മോഡലായ ആക്ടിവ മൂന്നാം സ്ഥാനത്തേക്ക്

ജൂണ്‍ മാസത്തിലെ വില്‍പ്പന കണക്കുകളില്‍ ഹോണ്ടയുടെ ജനപ്രീയ മോഡലായ ആക്ടിവ മൂന്നാം സ്ഥാനത്തേക്ക്

2020 ജൂണ്‍ മാസത്തെ വില്‍പ്പന കണക്കുകളാണ് ഇപ്പോള്‍ പുറത്തുവന്നിരിക്കുന്നത്. ജൂണ്‍ മാസത്തിലെ വില്‍പ്പന കണക്കുകളില്‍ ഹോണ്ടയുടെ ജനപ്രീയ മോഡലായ ആക്ടിവ മൂന്നാം സ്ഥാനത്തേക്ക് തള്ളപ്പെട്ടതായി കാണാന്‍ സാധിക്കും.

എന്‍ട്രി ലെവല്‍ കമ്മ്യൂട്ടര്‍ ബൈക്കായ HF ഡീലക്‌സ് രണ്ടാമതെത്തി. പട്ടികയില്‍ ആദ്യ സ്ഥാനം ഹീറോ സ്പ്ലെന്‍ഡര്‍ നിലനിര്‍ത്തി. പട്ടികയിലെ ആദ്യ അഞ്ച് സ്ഥാനങ്ങളില്‍ മൂന്നെണ്ണം ഹീറോ നിരയില്‍ നിന്നുതന്നെയാണ്.

2019 ജൂണ്‍ മാസത്തില്‍ 2,42,743 യൂണിറ്റുകളുടെ വില്‍പ്പന സ്പ്ലെന്‍ഡറിന് ലഭിച്ചെങ്കില്‍ 2020 ജൂണ്‍ മാസത്തില്‍ അത് 1,80,266 യൂണിറ്റിലേക്ക് ഒതുങ്ങി. 25.7 ശതമാനം ഇടിവാണ് വില്‍പ്പനയില്‍ ഉണ്ടായിരിക്കുന്നത്.

ഹീറോ നിരയില്‍ നിന്നും താങ്ങാനാവുന്ന മറ്റൊരു മോഡലായ HF ഡീലക്‌സ് കഴിഞ്ഞ മാസം മൊത്തം 1,29,602 യൂണിറ്റുകളുടെ വില്‍പ്പന രജിസ്റ്റര്‍ ചെയ്തു. 2019 -ല്‍ ഇതേ കാലയളവില്‍ 1,93,194 യൂണിറ്റായിരുന്നു വില്‍പ്പന. 32.92 ശതമാനമാണ് വില്‍പ്പനയില്‍ ഉണ്ടായിരിക്കുന്ന ഇടിവ്.

Also Read :  മാസ്ക്ക് ഉപയോഗം കർശനമാക്കുന്നു; മാസ്ക്ക് ധരിക്കാതെ വീണ്ടും പിടിച്ചാല്‍ ഇനി 2,000 രൂപ പിഴ