കരിപ്പൂര് വിമാനത്താവളത്തിലുണ്ടായ അപകടത്തില് മരിച്ചവരുടെ എണ്ണം 19 ആയി ഉയര്ന്നു. അപകടത്തില് മരിച്ചവരുടെ വിവരങ്ങള് ജില്ലാ ഭരണകൂടം പുറത്തുവിട്ടു. എന്നാൽ മരിച്ചവരുടെ വിവരങ്ങള് പൂര്ണമായും ലഭ്യമായിട്ടില്ല. പൈലറ്റും സഹ പൈലറ്റും അപകടത്തില് മരിച്ചിട്ടുണ്ട്. നാല്പതോളം പേര്ക്ക് ഗുരുതരമായി പരുക്കേറ്റിട്ടുണ്ട്.
കക്കയം വനമേഖലയിലെ ഉരുള്പൊട്ടല്; ഒന്പത് കുടുംബങ്ങളെ മാറ്റി പാര്പ്പിച്ചു
ഇന്നലെ രാത്രി 7.45 ഓടെയായിരുന്നു കരിപ്പൂര് വിമാനത്താവളത്തില് അപകടം നടന്നത്. അപകടത്തില് വിമാനം രണ്ടായി പിളര്ന്നിട്ടുണ്ട്. കരിപ്പൂര് വിമാനത്താവളത്തിലെത്തിയ ദുബായി – കോഴിക്കോട് 1344 എയര്ഇന്ത്യ എക്സ്പ്രസ് വിമാനമാണ് അപകടത്തില്പ്പെട്ടത്.
കരിപ്പൂർ വിമാനാപകടം എയർ ഇന്ത്യക്ക് നഷ്ടമാക്കിയത് അവരുടെ പരിചയസമ്പന്നനായ ക്യാപ്റ്റനെ
കരിപ്പൂരിലെ വിമാന അപകടത്തിന് കാരണം മോശം കാലാവസ്ഥയെന്നാണ് പ്രാഥമിക വിവരം. റണ്വേയില് കൃത്യമായി ഇറക്കാന് ശ്രമിച്ചെങ്കിലും അതിന് സാധിച്ചില്ല. പൈലറ്റ് ഇക്കാര്യം കണ്ട്രോള് റൂമിലേക്ക് അറിയിക്കുകയും ചെയ്തിരുന്നുവെന്നാണ് വിവരങ്ങള്. വ്യോമയാന മന്ത്രിക്ക് ഇത്തരത്തില് പ്രാഥമിക റിപ്പോര്ട്ട് ഡിജിസിഎ നല്കിയിട്ടുണ്ട്. പൈലറ്റിന് റണ്വേ കാണാന് സാധിച്ചില്ല. സാങ്കേതിക തകരാറുകളൊന്നും തന്നെ വിമാനത്തിനുണ്ടായിരുന്നില്ല. വിമാനം റണ്വേയിലേക്ക് എത്തുമ്പോള് മോശം കാലാവസ്ഥയായിരുന്നു.
പ്രതികരിക്കാൻ ഇവിടെ എഴുതുക