അന്താരാഷ്ട്ര ക്രിക്കറ്റില് നിന്നും വിരമിച്ച മുന് ഇന്ത്യന് ക്രിക്കറ്റ് ക്യാപ്റ്റന് മഹേന്ദ്ര സിംഗ് ധോണിക്ക് പ്രധാനമന്ത്രി നരേന്ദ്രമോദി കത്തയച്ചു. ഇന്ത്യന് ക്രിക്കറ്റിന് ധോണി നല്കിയ സംഭാവനകള്ക്ക് മോദി നന്ദി പറയുകയായിരുന്നു കത്തിലൂടെ. ‘ക്രിക്കറ്റ് ലോകത്ത് നിന്ന് സ്വന്തമാക്കിയ നേട്ടങ്ങളേയും കായിക ലോകത്തിന് നല്കിയ സംഭാവനകളേയും അഭിനന്ദിക്കുന്നു.
താങ്കള് വിരമിക്കുന്നുവെന്നത് രാജ്യത്തെ 130 കോടി ജനങ്ങള്ക്കും നിരാശയുണ്ടാക്കുന്ന കാര്യമാണ്. ഇന്ത്യന് ക്രിക്കറ്റിനായി നിങ്ങള് നല്കിയ സംഭവനകള്ക്ക് നന്ദിയുണ്ട്. സാക്ഷിക്കും മകള് സിവയ്ക്കും ഇനി കൂടുതല് സമയം നിങ്ങള്ക്കൊപ്പം ചെലവഴിക്കാന് അവസരം ലഭിക്കുകയാണ്’. ചെറിയ ടൗണില് നിന്ന് ക്രിക്കറ്റ് ലോകത്തെത്തി തന്റേതായ സ്ഥാനം ഉറപ്പിക്കാന് സാധിച്ച താങ്കള് ഇന്ത്യയിലെ വളര്ന്നു വരുന്ന യുവാക്കള്ക്കെല്ലാം പ്രചോദനമാണ്. പേരിനൊപ്പം കുടുംബത്തിന്റെ മഹിമയോ മറ്റോ അവകാശപ്പെടാനില്ലാതെ കഴിവും കഠിനാധ്വാനവും കൊണ്ട് താങ്കള്ക്ക് ഉയരങ്ങള് കീഴടക്കാന് സാധിച്ചു എന്നും പ്രധാനമന്ത്രി കത്തിലൂടെ അറിയിച്ചു.
പ്രതികരിക്കാൻ ഇവിടെ എഴുതുക