വ്യാജ ഒപ്പ് വിവാദത്തില് മറുപടിയുമായി സിപിഎം നേതാവ് എംവി ജയരാജന്. പ്രധാനമന്ത്രി വിദേശയാത്ര നടത്തുമ്പോള് പ്രധാനമന്ത്രിയുടെ ഓഫീസ് എങ്ങനെയാണ് കാര്യങ്ങള് കൈകാര്യം ചെയ്യുകയെന്നത് അദ്ദേഹത്തോട് ചോദിച്ചാല് അറിയാമെന്ന് ജയരാജന് പറഞ്ഞു.
ഡിജിറ്റല് ഒപ്പിനെ പറ്റി മാത്രമല്ല ഡിജിറ്റല് ഇന്ത്യയെ പറ്റി അവര്ക്കാണ് കൂടുതല് അറിയുക. അവരുടെ പൊട്ടത്തരത്തിന് മറുപടിയില്ലെന്നും എംവി ജയരാജന് പറഞ്ഞു. മുഖ്യമന്ത്രിയുടെ വ്യാജ ഒപ്പിട്ടതിന് പിന്നാലെയാണ് മുഖ്യമന്ത്രിയുടെ ഓഫീസില് നിന്ന് ജയരാജനെ മാറ്റിയതെന്ന് ബിജെപി നേതാവ് സന്ദീപ് വാര്യര് ആരോപിച്ചിരുന്നു.
അതേസമയം ഒപ്പ് വിവാദത്തില് മുഖ്യമന്ത്രി പ്രതികരിക്കണമെന്ന് മുസ്ലീം ലീഗ് നേതാവ് പികെ കുഞ്ഞാലിക്കുട്ടി പറഞ്ഞു. ഒപ്പ് വ്യാജമാണെങ്കില് ഗുരുതരമായ കാര്യമാണ്. ഒരാളുടെ ഒപ്പിടാന് മറ്റാര്ക്കും അധികാരമില്ല.
അത് വ്യാജ ഒപ്പാണെങ്കില് അതിനെക്കാള് വലുതായി ഒന്നുമില്ല. ഇനി അതും കൂടിയെ ബാക്കിയുണ്ടായിരുന്നുള്ളുവെന്നും ഇക്കാര്യത്തില് മുഖ്യമന്ത്രി തന്നെ ഉടന് മറുപടി പറയണമെന്നും കുഞ്ഞാലിക്കുട്ടി മലപ്പുറത്ത് മാധ്യമങ്ങളോട് പറഞ്ഞു.
പ്രതികരിക്കാൻ ഇവിടെ എഴുതുക