ഗുരുവായൂരിൽ അഷ്ടമി രോഹിണി ദിനത്തില് പ്രത്യേക ചടങ്ങുകള്ക്ക് തുടക്കമായി. രാവിലെ 9.30 മുതല് ഉച്ചക്ക് ഒന്നര വരെയും വൈകിട്ട് അഞ്ച് മുതല് രാത്രി ഒന്പത് വരെയുമാണ് വെര്ച്വല് ക്യൂ വഴി ഭക്തര്ക്ക് ദര്ശനത്തിന് ക്രമീകരണം ഒരുക്കിയിട്ടുള്ളത്.
മഴ കനക്കുന്നു.. ശനിയാഴ്ച വരെ സംസ്ഥാനത്ത് ശക്തമായ മഴ തുടർന്നേക്കും
കോവിഡ് നിയന്ത്രണം പാലിച്ച്കൊണ്ടാണ് ദർശനം. കൂടാതെ നെയ് വിളക്ക് ശീട്ടാക്കുന്നവര്ക്ക് ദര്ശനത്തിനുള്ള പ്രത്യക വരിയും ഉണ്ടാകും. രാവിലെ കാഴ്ചശീവേലിക്ക് പെരുവനം കുട്ടന് മാരാര് പഞ്ചാരിമേളം നയിക്കും. രാത്രി 10 മണിക്ക് കൃഷ്ണനാട്ടവും നടക്കും.
ഗുരുവായൂര് ക്ഷേത്രത്തില് ഇന്ന് മുതല് പ്രതിദിനം ആയിരം പേര്ക്ക് ദര്ശനം നടത്താനാകും. ഓണ്ലൈന് ആയി ബുക്ക് ചെയ്തവര്ക്ക് വെര്ച്വല് ക്യൂ വഴിയാണ് ദര്ശനം. നാലമ്ബലത്തിലേക്ക് ഭക്തരെ പ്രവേശിപ്പിക്കില്ല. ക്ഷേത്രത്തിനകത്ത് ഒരുസമയം 50 പേരില് കൂടുതല് ഭക്തര് ഉണ്ടാകാത്ത വിധത്തിലാകും ക്രമീകരണം. ഭക്തര്ക്ക് പരിമിതമായ തോതില് നിവേദ്യങ്ങളും ഇന്ന് മുതല് നല്കും.
1000രൂപയുടെ നെയ് വിളക്ക് ശീട്ടാക്കുന്ന ഒരാള്ക്കും 4500 രൂപ ശീട്ടാക്കുന്ന അഞ്ച് പേര്ക്കുമാണ് ബുക്കിങ്ങില്ലാതെ ദര്ശനത്തിന് അനുമതിയുള്ളത്. പ്രസാദ വിതരണവും ഇന്ന് ആരംഭിക്കും. നിവേദ്യങ്ങളായ പാല്പ്പായസം, നെയ്പ്പായസം, അപ്പം, അട, വെണ്ണ, പഴം, പഞ്ചസാര, അവില്, ആടിയ എണ്ണ തുടങ്ങിയവ പായ്ക്ക് ചെയ്ത് കവറുകളിലും ടിന്നുകളിലുമാണ് ഭക്തര്ക്ക് നല്കുക. തുലാഭാരം, ചുറ്റുവിളക്ക്, കൃഷ്ണനാട്ടം എന്നീ വഴിപാടുകളും പുനരാരംഭിക്കും.
പ്രതികരിക്കാൻ ഇവിടെ എഴുതുക