മസ്കറ്റ്: ഒമാനിലെ മത്രയില് വീട് തകര്ന്നുവീണ് തമിഴ്നാട് സ്വദേശി മരിച്ചു. കണ്ണൂര് ജോസ്ഗിരിയില് സ്ഥിര താമസമാക്കിയ തമിഴ്നാട് സ്വദേശി ദാസാണ്(57) അവശിഷ്ടങ്ങള്ക്കിടയില്പ്പെട്ട് മരിച്ചത്. പയ്യന്നൂര് കവ്വായി സ്വദേശി സദാനന്ദന് പരിക്കേറ്റ് ആശുപത്രിയില് ചികിത്സയിലാണ്.
വീടിനു പുറത്ത് കനത്ത പ്രധിഷേധം, അകത്ത് ചോറൂണ്; കുലുക്കമില്ലാതെ മന്ത്രി ജലീൽ
ശനിയാഴ്ച പുലര്ച്ചെ അഞ്ചു മണിക്കാണ് അപകടം സംഭവിച്ചത്. ഒമാന് ഫ്ളവര് മില്ലില് കയറ്റിറക്ക് ജോലിക്കാരായിരുന്നു ഇരുവരും. രാവിലെ ജോലിക്ക് പോകാനായി എഴുന്നേറ്റ സദാനന്ദന് ഗ്യാസ് സ്റ്റൗ കത്തിച്ചപ്പോള് ഉഗ്രശബ്ദത്തോടെ പൊട്ടിത്തെറിക്കുകയായിരുന്നു.
വൈറസിന്റെ ജനിതക ഘടനയിൽ 2 പുതിയ മാറ്റങ്ങൾ; കേരളത്തിൽ കോവിഡ് വ്യാപനത്തിൽ വൻ കുതിപ്പ്
പൊട്ടിത്തെറി ഉണ്ടായതോടെ സദാനന്ദന് പുറത്തേക്കോടി. ഈ സമയം ദാസ് ഉറങ്ങി കിടക്കുകയായിരുന്നു. സ്ഫോടനത്തെ തുടര്ന്ന് പഴയ കെട്ടിടം നിലം പതിക്കുകയായിരുന്നു. സിവില് ഡിഫന്സ് അധികൃതര് എത്തി മൃതദേഹം കെട്ടിടാവശിഷ്ടങ്ങളില് നിന്ന് പുറത്തെടുത്തു. ജോസ്ഗിരി സ്വദേശി മരിയയാണ് മരിച്ച ദാസിന്റെ ഭാര്യ. ഒരു മകളുണ്ട്. വീട് തകര്ന്ന് ഒരു ഏഷ്യന് വംശജന് മരിച്ചതായും പരിക്കേറ്റയാളെ ആശുപത്രിയിലേക്ക് മാറ്റിയെന്നും അധികൃതര് സ്ഥിരീകരിച്ചു.
പ്രതികരിക്കാൻ ഇവിടെ എഴുതുക