പാലാരിവട്ടം മേൽപ്പാലം പുതുക്കി പണിയാൻ ആവശ്യമായ തുക ഉമ്മൻചാണ്ടിയിൽ നിന്നും ഇബ്രാഹിംകുഞ്ഞിൽ നിന്നുമാണ് ഈടാക്കേണ്ടതെന്ന് ഡി വൈ എഫ് ഐ. ഉമ്മന്ചാണ്ടി സര്ക്കാരിന്റെ കാലത്ത് ബ്രിഡ്ജസ് ആന്ഡ് ഡവലപ്പ്മെന്റ് കോര്പ്പറേഷന് മുഖേന 47.70 കോടി രൂപ മുടക്കി സ്ഥാപിച്ച പാലം ഉദ്ഘാടനം ചെയ്ത് രണ്ട് വര്ഷം പിന്നിടുമ്പോള് തകർന്നത് പകൽക്കൊള്ളയ്ക്ക് തെളിവാണെന്നും ഡി വൈ എഫ് ഐ വ്യക്തമാക്കി.
‘കേന്ദ്ര സര്ക്കാരിന്റെ ഫണ്ട് ഉപയോഗിച്ച് ദേശീയപാത അതോറിറ്റി നടത്തേണ്ട പ്രവര്ത്തനം സംസ്ഥാന സര്ക്കാര് ഏറ്റെടുത്തതിന് പിന്നില് വന് അഴിമതിയുണ്ടെന്ന് ഇതിനോടകം പുറത്തുവന്നിട്ടുണ്ട്. അനധികൃതമായി ഒന്നും നടന്നിട്ടില്ലെന്ന ഉമ്മന്ചാണ്ടിയുടെ വാദമാണ് ഇന്നത്തെ സുപ്രീംകോടതി വിധിയോടെ തകര്ന്നിരിക്കുന്നത്’, ഡി.വൈ.എഫ്.ഐ സംസ്ഥാന സെക്രട്ടറിയേറ്റ് പ്രസ്താവനയില് പറഞ്ഞു.
കേരളം കണ്ട ഏറ്റവും വലിയ അഴിമതിയില് ഉള്പ്പെട്ട എല്ലാവര്ക്കും നിയമപരമായി ശിക്ഷ ഉറപ്പാക്കണമെന്നും ഡി.വൈ.എഫ്.ഐ ആവശ്യപ്പെട്ടു.
അന്ന് മുഖ്യമന്ത്രിയായിരുന്ന ഉമ്മന്ചാണ്ടിയും ഇബ്രാഹിംകുഞ്ഞുമാണ് ഈ അഴിമതിയുടെ മുഖ്യ സൂത്രധാരന്മാര്. ഇവരില് നിന്നും ഒത്താശചെയ്തുകൊടുത്ത ഉദ്യോഗസ്ഥരില് നിന്നുമാണ് പുതിയ പാലം നിര്മ്മിക്കാന് ആവശ്യമായ തുക ഈടാക്കേണ്ടത് പൊതു ഖജനാവില് നിന്നല്ലെന്നും സംസ്ഥാന സെക്രട്ടറിയേറ്റ് പ്രസ്താവനയില് പറഞ്ഞു.
പ്രതികരിക്കാൻ ഇവിടെ എഴുതുക