നാളെയിലേക്കുള്ള പ്രധാന കാൽവെപ്പുമായി കേരളം. പൊതുവിദ്യാഭ്യാസ രംഗത്ത് ഇന്ത്യയിലെ ആദ്യ സമ്പൂര്ണ്ണ ഡിജിറ്റല് സംസ്ഥാനമെന്ന അംഗീകാരം ഇന്ന് മുതൽ കേരളത്തിന് സ്വന്തമായിരിക്കും. എട്ട് മുതല് 12 വരെയുള്ള ക്ലാസുകളിലെ 45000 ക്ലാസ് മുറികളുടേയും ഒന്ന് മുതല് ഏഴ് വരെ ക്ലാസുകളിലെ ഹൈടെക് ലാബുകളുടേയും ഉദ്ഘാടനം ഇന്ന് നടക്കും.
കേരളത്തിലെ എല്ലാ പൊതുവിദ്യാലയങ്ങളും ഹൈടെക്ക് ആയി മാറുകയാണ്. ഈ നേട്ടം കൈവരിക്കുന്ന ഇന്ത്യയിലെ ആദ്യത്തെ സംസ്ഥാനമാകുകയാണ് കേരളം. ക്ലാസ് മുറികൾക്കൊപ്പം പഠനാന്തരീക്ഷവും ഹൈടെക് ആക്കി മാറ്റിയാണ് കേരളം ഈ അംഗീകാരത്തിലേക്കെത്തുന്നത്. 4752 സര്ക്കാര് – എയ്ഡഡ് സ്കൂളുകളിലെ 45000 ക്ലാസുകളാണ് ഡിജിറ്റിലായത്. ഒപ്പം 2019 ല് തുടങ്ങിയ 1 മുതല് 7 വരെയുള്ള ക്ലാസുകളിലെ ഹൈടെക് ലാബ് പദ്ധതിയും പൂര്ത്തിയായി. 41 ലക്ഷം കുട്ടികള്ക്കായി 3,74274 ഉപകരണങ്ങളാണ് നല്കിയത്. 12,678 സ്കൂളുകള്ക്ക് ബ്രോഡ് ബാന്ഡ് ഇന്റര്നെറ്റ് സൗകര്യം ഏര്പ്പെടുത്തി. 1,19055 ലാപ്പ് ടോപ്പുകളും 69944 മള്ട്ടി മീഡിയ പ്രൊജക്ടറുകളും ഒരുലക്ഷം എസ് ബി സ്പീക്കറുകളും അടക്കമുള്ള ഉപകരണങ്ങളും വിതരണം ചെയ്തു. കിഫ്ബിയില് നിന്നുള്ള 595 കോടിയും പ്രാദേശിക തലത്തിലെ 135.5 കോടിയുടേയും പങ്കാളിത്തത്തോടെയാണ് നേട്ടം. മുഴുവന് അധ്യാപകര്ക്കും ഇതിനകം കമ്പ്യൂട്ടര് പരിശീലനവും നല്കി.
റിച്ചക്ക് എതിരായ പരാമർശം പിൻവലിച്ച് മാപ്പു പറഞ്ഞ് ബോളിവുഡ് അഭിനേത്രി പായൽ ഘോഷ്
ഡിജിറ്റൽ പഠനം എളുപ്പമാക്കാൻ ‘സമഗ്ര’ ഡിജിറ്റൽ പഠന വിഭവപോർട്ടലിന് രൂപം നൽകിയിട്ടുണ്ട്. ഈ വിഭവപോർട്ടലിലൂടെ പഠനത്തിനാവശ്യമായ സാമഗ്രികൾ ശേഖരിക്കാം. ഇതിനായി അധ്യാപകർക്ക് ഓൺലൈനായി പരിശീലനവും നൽകി. കോവിഡ് പ്രതിസന്ധി കാലത്ത് ഓൺലൈൻ പഠനം വേഗത്തിൽ നടപ്പിലാക്കാനും സംസ്ഥാനത്തിന് സാധിച്ചു. സർക്കാരിനൊപ്പം അധ്യാപകരും വിദ്യാർത്ഥികളും രക്ഷിതാക്കളും പൊതുസമൂഹവും കൈകോർത്തതാണ് കാലത്തിനനുസരിച്ച് മാറ്റം സാധ്യമാക്കാൻ നമുക്ക് കഴിഞ്ഞതെന്ന് കഴിഞ്ഞ ദിവസം മുഖ്യമന്ത്രി പറഞ്ഞിരുന്നു.
പ്രതികരിക്കാൻ ഇവിടെ എഴുതുക