ശ്രീലങ്കന് ക്രിക്കറ്റ് താരം മുത്തയ്യ മുരളീധരന്റെ ജീവിതം പറയുന്ന സിനിമ 800ല് നിന്ന് വിജയ് സേതുപതി പിന്വാങ്ങി. ചിത്രം ഉപേക്ഷിക്കില്ലെന്ന് കഴിഞ്ഞ ദിവസം സേതുപതി വ്യക്തമാക്കിയിരുന്നവെങ്കിലും മുരളീധരന് തന്നെ ചിത്രത്തില് നിന്ന് പിന്മാറാന് വിജയ് സേതുപതിയോട് ആവശ്യപ്പെട്ടതോടെയാണ് താരം അപ്രതീക്ഷിത പ്രഖ്യാപനം നടത്തിയത്.
മുത്തയ്യ മുരളീധരന്റെ പത്രക്കുറിപ്പ് സോഷ്യല് മീഡിയയില് പങ്കുവെച്ചാണ് പിന്മാറുന്നതായി താരം അറിയിച്ചത്.
‘വിജയ് സേതുപതി ചില ആളുകളില് നിന്ന് വളരെയധികം സമ്മര്ദ്ദം നേരിടുന്നതായി ഞാന് മനസ്സിലാക്കുന്നു. ആളുകള് എന്നെ തെറ്റിദ്ധരിച്ചതു മൂലം അദ്ദേഹത്തെ പോലെ ഒരു പ്രശസ്ത് നടന് പ്രശ്നങ്ങളില് അകപ്പെടാന് ഞാന് ആഗ്രഹിക്കുന്നില്ല. അതിനാല് ഈ ബയോപിക്കില് നിന്നും പിന്മാറാന് ഞാന് അദ്ദേഹത്തോട് ആവശ്യപ്പെടുന്നു,’ മുത്തയ്യ മുരളീധരന്റെ ഔദ്യോഗിക പ്രസ്താവനയില് പറയുന്നു.
നരസിംഹത്തിലെ ക്ലൈമാക്സ് ഇതായിരുന്നു!
തമിഴ് വംശജര് കൂട്ടക്കൊല ചെയ്യപ്പെട്ട ശ്രീലങ്കയിലെ ഒരു ക്രിക്കറ്റ് താരത്തെ പറ്റിയുള്ള സിനിമ എന്തിനാണ് ഇന്ത്യയില് നിര്മ്മിക്കുന്നത് എന്നാണ് സിനിമയ്ക്കെതിരെ ചിലര് ഉയര്ത്തിയ വിമര്ശനം. ഒരു തമിഴന് എന്ന നിലയില് വിജയ് സേതുപതി ഈ കഥാപാത്രം ചെയ്യരുതായിരുന്നെന്നും ചിലര് വിമര്ശിച്ചിരുന്നു. പാകിസ്താന് ക്രിക്കറ്റ് താരങ്ങളെ പറ്റി ഇന്ത്യയില് സിനിമ ചെയ്യാന് പറ്റുമോ എന്നാണ് ചിലര് ചോദിച്ചത്.
പ്രതികരിക്കാൻ ഇവിടെ എഴുതുക