ബിജെപി നേതാവ് വി.വി. രാജേഷിന് തിരുവനന്തപുരത്ത് മൂന്നിടങ്ങളില് വോട്ടുണ്ടെന്നും ഇത് മറച്ചുവച്ച് നോമിനേഷന് നല്കിയ രാജേഷിന്റെ സ്ഥാനാര്ഥിത്വം റദ്ദാക്കണമെന്നും സിപിഐ ആവശ്യപ്പെട്ടു. ഇതിനായി സിപിഐ തിരഞ്ഞെടുപ്പ് കമ്മീഷന് പരാതി നല്കി. എന്നാല് സ്ഥാനാര്ഥിത്വം റദ്ദാക്കാനാവില്ലെന്ന് തിരഞ്ഞെടുപ്പ് കമ്മീഷന് അറിയിച്ചു.
ബിജെപി ജില്ലാ പ്രസിഡന്റായ വി.വി. രാജേഷ് കോര്പറേഷനിലെ പൂജപ്പുര വാര്ഡില് സ്ഥാനാര്ത്ഥിയാണ്. അതിനിടെയാണ് വോട്ടര് പട്ടികയില് ക്രമക്കേട് നടത്തിയെന്ന പരാതി ഉയരുന്നത്. നെടുമങ്ങാട് മുനിസിപ്പാലിറ്റിയിലെ വോട്ടര്പട്ടികയിൽ രാജേഷ് എന്ന പേരില് ഒരു വോട്ട്.
രണ്ടാമത്തേത് തിരുവനന്തപുരം കോര്പ്പറേഷന് വഞ്ചിയൂര് വാര്ഡിൽ വി.വി.രാജേഷ് എന്ന പേരില്. മൂന്നാമത് കോര്പ്പറേഷനിലെ തന്നെ പി.ടി.പി നഗര് വാര്ഡില് രാജേഷ് വി.വി. എന്ന പേരിലുമാണ്. നെടുമങ്ങാടാണ് രാജേഷിന്റെ കുടുംബ വീട്. ഇപ്പോള് താമസിക്കുന്നത് വഞ്ചിയൂരിലാണ്. പി.ടി.പി നഗറില് വാടക വീട്ടില് താമസിച്ചിട്ടുണ്ട്.
താമസം മാറിയതനുസരിച്ച് അതാത് സ്ഥലത്തെ മേല്വിലാസം വച്ച് വോട്ടര് പട്ടികയില് പേര് ചേര്ത്തതാണെന്നാണ് രാജേഷിന്റെ മറുപടി. പുതുക്കിയ ഓരോ സമയത്തും പഴയത് റദ്ദാക്കാന് അപേക്ഷ നല്കിയിരുന്നെങ്കിലും ഉദ്യോഗസ്ഥരുടെ വീഴ്ചയാവാം ആവര്ത്തിക്കാന് കാരണമെന്നും രാജേഷ് പറഞ്ഞു.
പ്രതികരിക്കാൻ ഇവിടെ എഴുതുക