നയതന്ത്രപാഴ്സല് വഴിയുള്ള സ്വര്ണക്കടത്തിനും ഡോളര് കടത്തിനും പിന്നില് പ്രവര്ത്തിച്ചത് വമ്പന് സ്രാവുകളാണെന്ന് കോടതി. കേസിലെ പ്രതികളായ സ്വപ്ന സുരേഷിന്റെയും പി.എസ് സരിത്തിന്റെയും മൊഴികള് ഇതാണ് സൂചിപ്പിക്കുന്നതെന്നും കൊച്ചിയിലെ സാമ്പത്തിക കുറ്റവിചാരണ കോടതി പറഞ്ഞു.
പ്രതികള് വെളിപ്പെടുത്തിയ പേരുകള് മന:സാക്ഷിയെ ഞെട്ടിക്കുന്നതാണ്. ഇവ ഈ ഘട്ടത്തില് പുറത്തുവരുന്നത് അന്വേഷണപുരോഗതിയെ പ്രതികൂലമായി ബാധിക്കുമെന്നും കോടതി പറഞ്ഞു.
ബുറേവി ചുഴലിക്കാറ്റ്; കൊല്ലത്ത് ഇന്നലെ കടലിൽ പോയ അൻപതിലധികം ബോട്ടുകള് ഇനിയും തിരിച്ചെത്തിയിട്ടില്ല
കുറ്റകൃത്യത്തില് പ്രതികള് വെളിപ്പെടുത്തിയവരുടെ യഥാര്ഥ പങ്കാളിത്തവും അതിനുള്ള ശക്തമായ തെളിവും കണ്ടെത്തേണ്ടതുണ്ടെന്നും കോടതി പറഞ്ഞു.
കസ്റ്റഡിയില് ചോദ്യം ചെയ്തപ്പോള് നവംബര് 27 മുതല് 29 വരെ സ്വപ്നയും സരിത്തും നല്കിയ മൂന്ന് നിര്ണായക മൊഴികളാണ് കസ്റ്റംസ് മുദ്രവച്ച കവറില് കോടതിയില് സമര്പ്പിച്ചത്. ഇതു പരിശോധിച്ച ശേഷമാണ് കോടതിയുടെ നിരീക്ഷണം.
മുഖ്യമന്ത്രിയുടെ മുന് പ്രിന്സിപ്പല് സെക്രട്ടറി എം. ശിവശങ്കറെ ഏഴു ദിവസം കൂടി കസ്റ്റംസിന്റെ കസ്റ്റഡിയില് നല്കിക്കൊണ്ടുള്ള ഉത്തരവിലായിരുന്നു കോടതിയുടെ ഈ പരാമര്ശം.
യു.എ.ഇ കോണ്സുലേറ്റിലെ ഉദ്യോഗസ്ഥരുമായി ഇവരുണ്ടാക്കിയ അടുത്ത ബന്ധമാണ് ഇത്രയും കാലം പിടിക്കപ്പെടാതെ കള്ളക്കടത്തു നടത്താന് വഴിയൊരുക്കിയതെന്നും കോടതി പറഞ്ഞു.
സ്വപ്നയുടെ മൊഴി രേഖപ്പെടുത്തിയതും അതിന്റെ അടിസ്ഥാനത്തില് ശിവശങ്കറുമായുള്ള ഫോണ് സന്ദേശങ്ങളുടെ വിശദാംശങ്ങള് ശാസ്ത്രീയമായി പരിശോധിച്ചതും തെളിവുകള് ശേഖരിക്കാന് സഹായകരമായതായി കോടതി വിലയിരുത്തി.
പ്രതികരിക്കാൻ ഇവിടെ എഴുതുക