കണ്ണൂർ: തദ്ദേശ തെരഞ്ഞെടുപ്പിലെ അവസാനഘട്ട വോട്ടെടുപ്പ് ഇന്ന് നടക്കും. മലപ്പുറം, കോഴിക്കോട്, കണ്ണൂര്, കാസര്ഗോഡ് ജില്ലകളിലെ 354 തദ്ദേശ സ്ഥാപനങ്ങളിലെ 6,867 വാര്ഡുകളിലേക്കാണ് തെരഞ്ഞെടുപ്പ് നടക്കുക.
42,87,597 പുരുഷന്മാരും 46,87,310 സ്ത്രീകളും 86 ട്രാന്സ്ജെന്ഡര്മാരുമടക്കം 89,74,993 വോട്ടര്മാരാണ് അവസാനഘട്ടത്തിലുള്ളത്.
ആകെ വോട്ടർമാരിൽ ഇത്തവണ 71,906 കന്നി വോട്ടര്മാരും 1,747 പ്രവാസി വോട്ടര്മാരുമാണുള്ളത്. 10,842 പോളിങ് ബൂത്തുകളാണ് സജ്ജീകരിച്ചിരിക്കുന്നത്.
സ്ഥാനാര്ഥികളുടെ മരണത്തെത്തുടര്ന്ന് കോഴിക്കോട് മാവൂര് ഗ്രാമപഞ്ചായത്തിലെ താത്തൂര് പൊയ്യില്(11), കണ്ണൂര് ജില്ലാ പഞ്ചായത്തിലെ തില്ലങ്കേരി(7) എന്നിവിടങ്ങളിലെ തെരഞ്ഞെടുപ്പ് മാറ്റിയിരുന്നു.
പ്രതികരിക്കാൻ ഇവിടെ എഴുതുക