കൊച്ചി: കൊച്ചിയിലെ ഷോപ്പിങ് മാളില് യുവനടിയെ അപമാനിച്ച പ്രതികള് ഉടന് കീഴടങ്ങിയേക്കും. നടിയോട് മാപ്പ് പറയാന് തയ്യാറാണെന്നും നിയമോപദേശം കിട്ടിയതു കൊണ്ടാണ് ഒളിവില് പോയതെന്നും മലപ്പുറം പെരിന്തല്മണ്ണ സ്വദേശികളായ പ്രതികള് പറഞ്ഞു.
കൊച്ചി ഷോപ്പിങ് മാളിലെ ഹൈപ്പര്മാര്ക്കറ്റില് വെച്ചാണ് നടിയെ കണ്ടത്. അത് നടിയാണോ എന്നുറപ്പുണ്ടായിരുന്നില്ല. മറ്റൊരു കുടുംബമെത്തി ഫോട്ടോ എടുക്കുന്നത് കണ്ടപ്പോഴാണ് നടിയാണെന്ന് ഉറപ്പിച്ചത്. അപ്പോള് അവരുടെ സമീപത്തേക്ക് പോയി എത്ര സിനിമയില് അഭിനയിച്ചിട്ടുണ്ടെന്ന് ചോദിച്ചു.
നടിയുടെ സഹോദരിയാണ് ഗൗരവത്തോടെ മറുപടി തന്നത്. അപ്പോള് തന്നെ തിരിച്ചുവന്നിരുന്നു. നടിയുടെ പിറകെ നടന്നിട്ടില്ല. അറിഞ്ഞുകൊണ്ട് നടിയുടെ ശരീരത്തില് സ്പര്ശിച്ചിട്ടില്ല. നടിയോടും കുടുംബത്തോടും ക്ഷമചോദിക്കുന്നുവെന്നും പ്രതികള് പ്രതികരിച്ചു.
പ്രതികരിക്കാൻ ഇവിടെ എഴുതുക