തിരുവനന്തപുരം: ബി.ജെ.പിയുടെ നിയമസഭാ തെരഞ്ഞെടുപ്പ് സ്ഥാനാര്ഥി കരടുപട്ടിക തയാറായതായി റിപ്പോർട്ട്. ശോഭ സുരേന്ദ്രനെ പാലക്കാട് നിന്ന് കാട്ടാക്കടയിലേക്ക് മാറ്റുമെന്നാണ് സൂചന. പാലക്കാട് മണ്ഡലത്തില് നിന്ന് ശോഭക്ക് പകരം ഹിന്ദു ഐക്യവേദി അധ്യക്ഷ കെ.പി ശശികലയെ മത്സരിപ്പിക്കാനാണ് തീരുമാനം. ശോഭ സുരേന്ദ്രന് 2016 ല് നടന്ന നിയമസഭ തെരഞ്ഞെടുപ്പില് പാലക്കാട് നിയമസഭ മണ്ഡലത്തില് രണ്ടാം സ്ഥാനത്ത് എത്തിയിരുന്നു.
കൂടാതെ തദ്ദേശ തെരഞ്ഞെടുപ്പില് പാലക്കാട് മുന്സിപ്പാലിറ്റിയില് വിജയിച്ചതോടെ ബി.ജെ.പി വിജയ സാധ്യത കല്പ്പിക്കുന്ന മണ്ഡലമാണ് പാലക്കാട്. ദേശീയ ഉപാധ്യക്ഷന് എ.പി അബ്ദുല്ലക്കുട്ടിയെ കരടുപട്ടിക പ്രകാരം കാസര്കോട്ടും സംസ്ഥാന പ്രസിഡന്റ് കെ.സുരേന്ദ്രനെ കോന്നിയിലും മത്സരിപ്പിക്കും. ഐ.പി.എസ് ഉദ്യോഗസ്ഥരായ ടി.പി സെന്കുമാര്, ജേക്കബ് തോമസ് എന്നിവരും മുന് ഐ.എസ്.ആര്.ഒ ചെയര്മാന് ജി. മാധവന് നായരും പട്ടികയിലുണ്ട്.
പ്രതികരിക്കാൻ ഇവിടെ എഴുതുക